कोरोना काल म मजदूर मनला मिलिस मनरेगा म बुता, बनिस दू पइसा के आसरा

अंजोर.बलरामपुर, 08 मई 2021। विकासखण्ड वाड्रफनगर के सबो 95 पंचायत म मनरेगा के तहत संचालित बुता ठउर म मजदूर मनके अधिकारी मन ह रोजगार दिवस मनाइन। कोविड-19 संक्रमण के प्रसार ल देखत सबो बचाव उपाय के पालन करके मजदूर मन ल कोरोना के प्रति जागरूक करे गे अउ मनरेगा ले मजदूर ल मिले वाले अधिकार अउ प्रावधान के जानकारी दे गिस। तकनीकी सहायक, बीएफटी, सचिव अउ रोजगार सहायक मन डहर ले मनरेगा के प्रावधान, अधिकार अउ योजना से मिले वाले लाभ के संग केऊ आन शासकीय योजना के जानकारी मजदूर मनला दिसे। जानबा होवय के जनपद पंचायत वाड्रफनगर म कुल 95 पंचायत, 119 राजस्व गांव म 21 हजार 875 पंजीकृत सक्रिय जॉबकार्डधारी अउ कुल 42 हजार 726 पंजीकृत मजदूर हावय। वर्तमान म प्रतिदिन 7 हजार से भी जादा मजदूर मनरेगा के बुता जइसे डबरी, तालाब, मेढ़बंदी, भूमि सुधार, नरवा उपचार कार्य, गोठान, नर्सरी, आंगनबाड़ी भवन, पीडीएस अउ पंचायत भवन के निर्माण बुता म सरलग नियोजित हो रिहिन हावय।

रोजगार दिन के आयोजन ले विषेष रूप ले कोरोना काल के बखत जरूरी सावधानी बरते जइसे मास्क के उपयोग, हाथ ल बार-बार धोना, दू गज के दूरी के पालन करन, दूसर के औजार या कपड़ा ल नइ छुना, कोनो भी रकम के लक्षण होवे म तुरते कोरोना के जांच अउ पॉजिटिव आये म तुरते आईसोलेट होए के साथ ही डॉक्टजरी सलाह मुताबिक दवा के सेवन करे के समझाईश दे जात हावय। 

मिले आरो के मुताबिक जनपद पंचायत वाड्रफनगर के मुख्य कार्यपालन अधिकारी वेदप्रकाश पाण्डेय ह बताती मनरेगा मजदूर के जागरूकता खातिर हरेक महीना के 7 तारीख के रोजगार दिवस के आयोजन करे जाथे। वर्तमान म मनरेगा अन्तर्गत समस्त पंचायत म पर्याप्त श्रममूलक बुता स्वीकृत हावय। कोविड प्रोटोकॉल के पालन करत हुए जादा ले जादा मजदूर अपन पंचायत म रोजगार पा सकत हावय।