काली ले ढरकही गिलास म दारू सरकारी, पहिली पइसा देबे त अमरही दुवारी

अंजोर
0

अंजोर.रायपुर, 9 मई 2021। कोरोना राई के सेती जब ले लॉकडाउन लगे हावय लोगन मनके दारू पिये के आदत तको छुटत रिहिस। अइसे घलोक कतकोन लोगन हावय जेन नशा करे बिगर नइ रेहे सकय। नशा के चुलुक म येमन आन-तान जिनिस ल तको पी डारथे, अउ जीव छुटउल हो जथे। अब ओमन खातिर सरकार ह ऑनलाइन दारू बेचे के उदीम शुरू करत हावय। बताये के गे हावय के ऑनलाउन बु‍किंग करे म घर पहुंचही दारू ह। होम डिलीवरी के बखत बिहनिया 9 बजे ले रात 8 बजे तक होही। पइसा ल अगाहू ऑनलाइन माध्यम ले दे बर परही। 

बाढ़त कोरोना राई के बीच दारू ल ऑनलाइन बेचे के विरोध सामाजिक संगठन के अलावा विपक्ष के नेता मन तको करे हावय। जेमा सरकार कोति ले कहना हावय के दारू ल ऑनलाइन शुरू करे के कई बड़का का‍रण हावय। एक तो नशा के आदी लोगन मन सेनेटाइजर अउ नशीला सीरप ल पी लेवथे। अइसने बिलासपुर म नशीला सीरप ल पीके 9 झिन के मउत होगे। रायपुर म तको सेनेटाइजर पीये ले तीन झिन के मउत होगे। पड़ोसी राज्य मनले शराब के अवैध तस्करी अउ कालाबाजारी म रोक लगाये खातिर ये फइसला करे गे हावय। प्रशासन के पूरा धियान अभी सिरिफ कोरोना नियंत्रण अउ लोगन के जान बचाये म लगे हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !