अंजोर.रायपुर, 9 मई 2021। भाजपा के बड़का नेता मन मुख्यमंत्री ले टीकाकरण खातिर गोठबात करे बर समय मांगे रिहिस। जेमा आज पहिली ले तय कार्यक्रम म व्यस्तता के सेती 12 मई ल कारार करके मुख्यमंत्री सचिवालय कोति ले भाजपा प्रदेश अध्यक्ष श्री साय ल आरो करे गे हावय।
बताये गे हावय के मुख्यमंत्री भूपेश बघेल प्रदेश के सबो संभाग, जिला अउ विकासखण्ड के मैदानी अधिकारी मन ले कोविड-19 महामारी ल लेके सरलग वर्जुअल मीटिंग के माध्यम ले संवाद करत हावय। श्री बघेल आज 9 मई के माननीय मंत्रिगण अउ पीसीसी के संग वर्जुअल मीटिंग करत हावय उहें 10 मई के सीडब्ल्युसी के मीटिंग अउ 11 मई के सांसद अउ विधायकण के संग कोविड-19 ल लेके संवाद के उंकर कार्यक्रम पहिली ले करार हावयं। पहिली करार कार्यक्रम म व्यस्तता के चलत मुख्यमंत्री ह भाजपा के वरिष्ठ नेता मनके प्रतिनिधिमण्डल ल 12 मई के दोपहर 12 बजे वर्जुअल मीटिंग के माध्यम ले चर्चा के खातिर आमंत्रित करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।