गृह मंत्री श्री साहू लगवाइन कोरोना के दूसरइया टीका

अंजोर.रायपुर, 9 मई 2021। प्रदेश म कोरोना के संक्रमण ल रोके खातिर सरी उदीम करे के संग अब चारो मुड़ा लोगन ल टीका लगाये बर आरो तको करे जावत हावय। इही बीच आज प्रदेश के गृह, लोक-निर्माण, जेल, पर्यटन अउ धर्मस्व मंत्री ताम्रधवज साहू अपन पत्नी सहित मेकाहारा पहुंच के कोरोना के दूसरइया डोज लगवाइन। 

ओमन ये बात के आरो देवत किहिन के अपन धर्मपत्नी के साथ कोरोना महामारी संक्रमण ले सुरक्षा के खातिर वेक्सिनेशन के दूसरइया डोज़ लगावा ले हाबन। मैं सबो पात्र लोगन ले टीका लगवाये के अपील करत हवं काबर के वेक्सिनेशन ले ही बचाव संभव हावय। ये वेक्सीनेशन पूरा तरह ले सुरक्षित हावय, येकर ले डरें नहीं, घबराये नहीं। मैं सबले ले फेर अपील करत हवं के आप सब अफवाह म नी आएं, वेक्सीन के दू डोज अवश्य लगवाये, अपन अउ परिवार के जीवन ल सुरक्षित करें।