अंजोर.कांकेर, 10 मई 2021। कोरोना महामारी के बाढ़त संक्रमण के सेती लोगन ऐतिहात बरत हावय, तेकर सेती लोगन अपन घर ले नइ निकल पा रिहिन हावय, अइसे मुश्किल हालात म जिला के बिहान योजना के अन्तर्गत कार्यरत बैंक सखी मनके डहर ले कोरोना प्रोटोकाल के पालन करत गांव म बैंकिंग सुविधा मुहैया करात हावयं अउ जरूरतमंद लोगन के घर तक पहुंच करके उंकर खात म पइसा ले भुगतान करे जात हावय, जेकर ले गांव वाला ल सहुलियत मिलत हावय।
जिला पंचायत के सीईओ ह बताइन के कांकेर जिला के सबो सात विकासखण्ड म 113 बैंक सखी कार्यरत हावय, जेकर डहर ले गांव म ही मनरेगा के मजदूरी भुगतान, राष्ट्रीय पेंशन, सामाजिक सुरक्षा पेंशन, वृद्धा पेंशन, विधवा पेंशन, जनधन खाता के भुगतान अउ स्व मदद समूह के मानदेय, तेन्दूपत्ता के बोनस, आंगनबाड़ी सहायिका, सरपंच, सचिव, रोजगार सहायक मनके मानदेय के भुगतान करे जात हावय। अउ आपसी लेन-देन के बुता करके बैकिंग सुविधा दे के काम करे जाथे। जिला के ये बैंक सखी मनके डहर ले ए साल कन्टेमेन्ट जोन बखत 10 अप्रैल ले 10 मई तक 02 करोड़ 24 लाख रूपिया के भुगतान करे गे हावय, जेमा मनरेगा मजदूरी 68 लाख़ 95 हजार रूपिया अउ पेशन रकम वृद्धा पेंशन, विधवा पेंशन सामाजिक सुरक्षा पेंशन) के 10 लाख 12 हजार रूपिया अउ आपसी लेन-देन के 01 करोड़ 35 लाख रूपिया के ट्रान्सजेक्शन करे गे हावय।
नरहरपुर विकासखण्ड के 16 बैंक सखी मनके डहर ले 68 लाख रूपिया, चारामा के 22 बैंक सखी डहर ले 23 लाख रूपिया, कांकेर विकासखण्ड के 17 बैंक सखी डहर ले 31 लाख रूपिया, भानुप्रतापपुर के 12 बैंक सखी डहर ले 29 लाख रूपिया, दुर्गूकोंदल के 14 बैंक सखी के डहर ले 26 लाख रूपिया, अंतागढ़ विकासखण्ड के 15 बैंक सखी डहर ले 28 लाख रूपिया अउ कोयलीबेड़ा विकासखण्ड के 17 बैंक सखी के डहर ले 22 लाख रूपिया के भुगतान करे करे लोगन ल बैंकिंग सुविधा प्रदान करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।