अंजोर.बालोद, 10 मई 2021। बालोद म कारोना के संक्रमण ल रोके खातिर प्रशासन सरलग बुता करत हावय। इही कड़ी म नवा कोविड केयर सेंटर अधिकारी अउ कर्मचारी मनके सहयोग ले लघियात शुरू करे गे हावय। मिले आरो के मुताबिक येला तइयार करे के बाद स्वास्थ्य विभाग ल सउपे गे हावय। बालोद के शासकीय महाविद्वालय के तिर आदिवासी कन्या छात्रावास भवन म ये कोविड केयर चलही। मरीज ल जरूरत परे म ऑक्सीजन तको लगाये जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।