अंजोर.गरियाबंद, 25 मई 20211। राज्य शासन डहर ले 25 मई ल झीरम श्रद्धांजलि दिवस के रूप म मनाये जात हावय। इही ओढ़र म पुलिस प्रशासन डहर ले पुलिस अधीक्षक कार्यालय परिसर म शहीद मनके सुरता म दू मिनट के मौन धारण करिन, तेकर पाछू नक्सलवाद अउ हिंसा के डटके विरोध करे के शपथ भी लिस। पुलिस अधीक्षक भोजराम पटेल ह अधिनस्थ अधिकारी-कर्मचारी मनला शपथ देवाइस।
शपथ म किहिन के 25 मई के झीरम घाटी नक्सल हिंसा म शिकार होए जनप्रतिनिधि, वरिष्ठ पदाधिकारीगण, सुरक्षा बल के जवान अउ पाछु साल अउ अभी के बेरा म नक्सल हिंसा म शहीद होए आन सबो भाई-बहिना के खातिर हम श्रद्धांजलि अर्पित करत हावन। हम छत्तीसगढ़वासी अपन राज्य म अहिंसा अउ सहनशीलता के परम्परा म दृढ़ विश्वास रखत अउ निष्ठापूर्वक शपथ लेवत हावन के हम सबो रकम के नक्सलवाद अउ हिंसा के डटके विरोध करबो। हम छत्तीसगढ़ राज्य ल फेर शांति के टापू बनाये के खातिर दृढ़ संकल्पित रइबो। ए मउका म अतिरिक्त पुलिस अधीक्षक सुखनंदन राठौर सहित आन अधिकारी-कर्मचारी उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।