Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

स्व. मेहतर राम साहू के रचना ल जीवंत करत स्वर्णा, दिवाकर बहिनी के नवाचार ‘आमा के चानी-चानी’ म बाल कलाकार मनके धमाल


अंजोर.रायपुर, 10 मई 2021। प्रदेश के लोकप्रिय गीतकार, साहित्यकार श्रद्धेय मेहतर राम साहू के कालजयी रचना संसार अब नवा जमाना के, नवा कलाकार मनके नवाचारी उदीम ले फेर लोगन मन ल सुने बर मिलत हावय। ये बुता म रमे हावय छत्तीसगढ़ के सुप्रसिद्ध लोक गायिका गरिमा दिवाकर अउ स्वर्णा दिवाकर मन। उंकर संस्था अंजोर के सोशल मीडिया ठिहा म पाछु केऊ दिन ले ‘आमा के चानी-चानी’ के झलक देखे के बाद लोगन मन ल रिलीज के आगोरा रिहिस। 

आज 10 मई के करार दिन म ‘अंजोर’ यूट्यूब चैनल म उंकर नवा गीत आमा के चानी-चानी रिलीज होइस। गीत ल अपन मुधर स्वर म गाये हावय स्वर्णा दिवाकर अउ अनुराग शर्मा मन, संगीत हावय संतोष दिवाकर जी के। जतके सुघ्घर शब्द रचना हावय ओतके सुघ्घर संगीत संयोजन तको, जेमा राम कुमार साहू अउ प्रफुल्ल बेहरा के अनुभव के थाह खूब दिखत हावय। 

गीत अउ संगीत के साथ ही येकर फिल्मांकन भी बहुत बढि़या हावय। दर्शक मन तो गाना के ट्रेलर ल देखके ही दिवाना होगे रिहिस तव सोचव पूरा आना आये के बाद का हाल हावेत होही...। अपलोड होते ही कुछ ही घंटा म दस हजार व्यूह ले पार होगे रिहिस, दनादन बड़तेच हावय। येमा सबले खास बात कलाकार मनके भाव अभिनय हावय जेमा नान्हे–नान्हे लइका मन गजब के गीत ल निभाये हावय। 

‘आमा के चानी-चानी, गोंदली के डीर..., पानी गिरे झमाझम डोंगरी के तिर..., तैहा आ जाबे मैंना, आ जाबे रानी, डोंगरी के तिरे-तिर...’ म बाल कलाकार- वरुण वानखड़े, अनमोल चौधरी, जिया सुराना, अपूर्व चौधरी, आद्या मिश्रा, अंश वानखड़े, उर्वी राठी, प्रिंस मोहंती, ओम दिवाकर अउ सोनिया यादव मनला बहुत संदर ढंग ले प्रस्तु‍त करे गे हावय। ये सब सोच के पाछु गरिमा दिवाकर अउ उंकर ‘अंजोर’ टीम के लगन अउ मेहनत दिखथे। जुन्ना-जुन्ना गीतकार मनके रचना ल लोगन मन तिर नवा रूप म प्रस्तुत करे के जेन ओमन सुघ्घर उदीम करत हावय तेन गजबे सहराये के लइक हावय।
  • Song : Aama Ke Chani Chani
  • Lyricist : Late. Shree Mehtar Ram Sahu
  • Singer : Swarna Diwakar, Anurag Sharma
  • Music Direction : Shri Santosh Diwakar  
  • Rhythm Arrangement : Shri Ram Kumar Sahu 
  • Music Arrangement : Praphul Behra (Cuttak) 
  • Track Recorded : Milan Studio (Cuttak) 
  • Mix & Master : Prabodh Ranjan (Swapnil Studio)
  • Vocals Recorded : Nutan Sinha (Swapnil Studio) 
  • Special Thanks to Dhanraj Sahu

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
वाट्सअप- 9826753304
ई मेल : jayantsahu9@gmail.com

कला-संस्कृति-साहित्य

follow us

Twitter Twitter
Facebook Facebook
Youtube Youtube
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285