बिहाव के आवेदन अब नाम अउ 2 दिन पहिली कराना होही कोविड जांच

अंजोर.रायगढ़, 9 मई 2021। जिला कलेक्टर भीम सिंह ह रायगढ़ जिला म नोवेल कोरोना वायरस  संक्रमण प्रभावित मनखे मन के संख्या म सरलग बड़वार होए के सेती उपजे परिस्थिति के देखत सामाजिक कार्यक्रम, कोविड मरीज मन डहर ले गाइडलाइन्स के पालन अउ उद्योग मनके खातिर आने-आने ऐहतियाती निर्देश जारी करे गे हावयं। जेकर तहत जिला के अन्तर्गत बिहाव के अनुमति संबंधी आवदेन चिट्ठी म ही वर अउ वधु पक्ष ले बिहाव म शामिल होए वाला परिजन मन के नाम, पता अउ आधार नंबर के विवरण ले जाही। 

ये विवरण तहसीलदार डहर ले संबंधित खण्ड चिकित्सा अधिकारी ल भेजे जाही। बिहाव के 02 दिन पहिली स्वास्थ्य विभाग के दल बिहाव म शामिल होए वाला मनखे मन के जांच करही, जांच के बाद निगेटिव रिपोर्ट वाला मनखे ही बिहाव म शामिल होए के खातिर पात्र होही। अनुमति चिट्ठी अउ निगेटिव रिपोर्ट वाला मनखे मन के सूची संबंधित थाना प्रभारी ल उपलब्ध कराये जाही। थाना प्रभारी ये सुनिश्चित करही के पात्र मनखे  ही बिहाव समारोह म शामिल हों।

जिला के सबो तहसीलदार ये सुनिश्चित करही के सबो गांव म कोटवार के माध्यम ले ये मुनादी कराये जाए के होम आइसोलेशन वाला संक्रमित मनखे घर म ही नहाये करें। निस्तारी तालाब म नहाये के खातिर बाल्टी मग्गा लेके जाही। तालाब या नहानी घाट ले थोकिन दूरिहा नहाही ताकि संक्रमित मनखे के नहाये के बाद पानी तालाब म जाके न मिले अउ तालाब के पानी दूषित न हो जेकर ले आन लोगन म संक्रमित होए के संभावना नइ रिहि।

खदान संचालन, परिवहन म लगे कर्मचारी मन के अनिवार्य रूप ले मास्क लगाना, सेनिटाईजर के उपयोग करना, फिजिकल डिस्टेसिंग के पालन करे जाना सुनिश्चित करे। समय-समय म कर्मचारी मन के स्क्रीनिंग टेस्ट करे अउ पॉजिटिव होए म क्वारेंटीन करे के कार्यवाही करें। उपरोक्त निर्देश के कड़ाई ले पालन करे जाना सुनिश्चित करे जावें।