अंजोर.रायपुर, 10 मई 2021। रायपुर जिला म 18 ले 44 उमर वर्ग के नागरिक मनके टीकाकरण के बुता करे जात हावय। रायपुर म 8 केंद्र के संख्या ल बढ़ाके 18 कर दे गे हावय। इही रकम ले अब हर एक टीकाकरण केंद्र म 4 काउंटर बनाए जाही, जेन अंत्योदय राशन कार्डधारी, बीपीएल राशन कार्डधारी, एपीएल के संग-साथ फ्रंटलाइन वर्ग के खातिर होही।
जानबा होवय के कोविड-19 टीकाकरण के संबंध म मुख्यमंत्री भूपेश बघेल ह बड़का बुता करत राज्य के पत्रकार, वकील अउ उंकर परिजन ल भी फ्रंट लाईन वर्कर के समान टीकाकरण म प्राथमिकता दे के घोषणा करे हावय। अइसने कोमार्बिडिटी वाला मनखे, भोजन प्रदाय करे वाला अउ सब्जी विक्रेता, बस ड्राइवर-कंडक्टर, आंगनबाड़ी कार्यकर्ता, मितानिन, पंचायत सचिव, कर्मी, पीडीएस दुकान प्रबंधक अउ विक्रेता, इंसटिटुशनल केयर म रेहे वाला महिला, गांव के कोटवार अउ पटेल, राज्य सरकार के कर्मचारी, राज्य पब्लिक सेक्टर अंडरटेकिंग के कर्मचारी अउ उंकर इमिडियेट परिजन तको शामिल हावयं।
इही रकम ए सूची म वृद्धाश्रम म, महिला देखभाल केन्द्र अउ बाल देखभाल म कार्यरत मनखे, शमशान, कब्रिस्तान म कार्यरत मनखे, दिव्यांग मनखे, जरूरी सेवा प्रदान करे वाला अर्धशासकीय संस्था जइसे- प्राथमिक कृषि सहकारी समिति, मार्कफेड, सहकारी बैंक म कार्यरत कर्मचारी, कलेक्टर डहर ले कोरोना ड्यूटी म लगाए गे मनखे, राज्य शासन डहर ले परिभाषित कोनो आन श्रेणी के मनखे ल भी शामिल करे गे हावय। जेल म रहत बंदी मनला भी टीकाकरण म उही प्राथमिकता दे जाही जेन फ्रंटलाइन वर्कर ल, काबर के वो अपन सुरक्षा नइ कर सके।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।