दुर्ग म ट्रांसपोर्ट नगर अउ गौरवपथ के भूमिपूजन संग जिला ल 114.42 करोड़ के सौगात

अंजोर.दुर्ग, 26 मई 2021। मुख्यमंत्री भूपेश बघेल आज वर्चुअल रूप मंझनिया बारह बजे दुर्ग म 114.42 करोड़ रूपिया के लागत ले बने वाला योजना मन के भूमिपूजन-लोकार्पण करिस। नगरीय निकाय दुर्ग, भिलाई अउ भिलाई-चरौदा म निर्मित-प्रस्तावित ये बुता के लोकार्पण-भूमिपूजन मुख्यमंत्री वीडियो कांफ्रेंसिंग के माध्यम ले होइस। एमे ले सबले जरूरी बुता भिलाई-चरौदा निगम म ट्रांसपोर्ट नगर के भूमिपूजन हावय जेकर लागत 56 करोड़ 21 लाख रूपिया हावय। येकर बने ले ट्रांसपोर्टर्स ल काफी राहत मिलही। येकर संग ही भिलाई-चरौदा निगम म गौरवपथ के बुता के भूमिपूजन, येकर लागत 16.19 करोड़ हावय। नगर निगम भिलाई म 18.64 करोड़ रूपिया के बुता के भूमिपूजन अउ 2 करोड़ रूपिया के बुता के लोकार्पण। नगर निगम दुर्ग के 14 वें वित्त आयोग के बुता के भूमिपूजन, येकर लागत 19.38 करोड़ रूपिया होही। ए मउका म मुख्यमंत्री के अलावा जिला के प्रभारी मंत्री मोहम्मद अकबर, गृह मंत्री ताम्रध्वंज साहू, पीएचई मंत्री गुरु रुद्र कुमार, नगरीय प्रशासन मंत्री शिव कुमार डहरिया अउ क्षेत्र के विधायक अउ निगम के महापौर मन तको कार्यक्रम म जुरियाए रिहिन।