सोज्झे घर पहुंचही अब ड्राइविंग लाइसेंस अउ वाहन रजिस्ट्रेशन प्रमाण

अंजोर.महासमुंद, 9 मई 2021। शासन के संकल्पना तुहर सरकार तुहर द्वार के तहत आम जनता के स्मार्ट कारड आधारित ड्रायविंग लायसेंस डीएल, नवा वाहन रजिस्ट्रेशन प्रमाण घर पहुँचे के दे जाही। कोरोना महामारी ल देखत परिवहन क्षेत्र के कामकाज ल संपर्क रहित बनाये जात हावय। एमे प्रमुख रूप ले नया लर्निंग ड्राइविंग लाइसेंस, नवीनीकरण, डुप्लीकेट डीएल, डीएल अउ वाहन पंजीकरण प्रमाण पत्र म पता बदलना, अंतरराष्ट्रीय ड्राइविंग परमिट, अस्थायी वाहन पंजीकरण, पंजीकरण के खातिर एनओसी, डुप्लीकेट पंजीकरण प्रमाण पत्र, वाहन ट्रांसफर उक बुता शामिल हावयं। अधिकारी ह बताइन के आधार कारड प्रमाणीकरण ले डीएल अउ वाहन पंजीकरण के खातिर कई रकम के दस्तावेज मनके जरूरत नइ पड़ही। येकर ले आरटीओ के कामकाज म पारदर्शिता आही।

शासन के उद्देश्य सेवा ल हितग्राही के घर-द्वार तक कुशल अउ समयबद्ध तरीका ले पहुंचाना हावय। ये प्रक्रिया के तहत स्मार्ट कारड आधारित ड्रायविंग लायसेंस, रजिस्ट्रेशन प्रमाण पत्र के परिवहन कार्यालय रायपुर ले केन्द्रीकृत रूप ले प्रिंट करके पोस्ट के माध्यम ले आवेदक या ड्रायविंग लायसेंसधारी, वाहन स्वामी के पता म सीधा भेजे जाही। आवेदक के पता म स्मार्ट कारड आधारित ड्रायविंग लायसेस, रजिस्ट्रेशन प्रमाण पत्र बिना कोनो गतिरोध के पहुंचे, येकर खातिर जरूरी हावय के आवेदक के पता स्पष्ट होवे। जेन पता प्रमाण पत्र म दे गे दस्तावेज ले मेल खात होही अउ संग ही संग पोस्टमैन डहर ले स्मार्ट कारड आधारित ड्रायविंग लायसेस, रजिस्ट्रेशन प्रमाण पत्र पहुंचाये योग्य पता आवेदन पत्र म अंकित होना चाही।