अंजोर.गरियाबंद, 9 मई 2021। सिटी कोतवाली गरियाबंद क्षेत्र म मुखबिर डहर ले मिले आरो के मुताबिक बोलेरो सीजी 23-7555 म 04 मनखे सवार होके बंदूक रखके जादा मात्रा म अंग्रेजी शराब के परिवहन करत गरियाबंद कोति आ रिहिन हावय। जेकर बाद थाना प्रभारी सिटी कोतवाली गरियाबंद निरीक्षक वेदवती दरियो के नेतृत्व म तुरते अलग अलग टीम बनके थाना स्टाफ डहर ले तुरते पेट्रिलिंग पार्टी के संग नाकाबंदी करत थाना के सामने नाकाबंदी प्वाइंट लगाये गिस उही समय मुखबिर के बताए हुलिए के कार आये म रोक के पुछताछ करे गिस, अउ तलाशी कार्यवाही म बोलेरो कार के डिक्की म फ्रंटलाइन कंपनी के 04 पेटी कुल 48 बॉटल अंग्रेजी शराब, 01 पेटी सुपर स्ट्रॉन्ग बियर कुल 10 बॉटल, 02 बॉटल ब्लैंडर्स प्राईड अंग्रेजी शराब कुल 44 बल्क लीटर कीमती 33,140 रूपिया अउ 01 नग प्वाइंट टू टू सिंगल बैरल रायफल कीमती 25,000 रूपिया मिलिस।
जेमा थाना सिटी कोतवाली गरियबांद म अपराध क्रमांक 139/2021 धारा 34(2) आबकारी एक्ट, 25 आर्म्स एक्ट कायम करके आरोपी हेमंत सांग पिता स्व. धनसाय सांग उमर 46 साल निवासी रावतभाटा गरियाबंद, अमित चंद पिता सी०आर० चंद उमर 45 साल निवासी अमलीडीह रायपुर, मोहम्मद अय्यूब पिता सफीक उमर 61 साल निवासी राजातालाब रायपुर अउ अनुभव मशी पिता प्रमोद मशी उमर 38 साल निवासी 12 पंचशील नगर रायपुर मन ल न्यायिक अभिरक्षा म भेजा गिस।
एजेंसी ले मिले आरो के मुताबिक ये कार्यवाही म सिटी कोतवाली गरियाबंद थाना प्रभारी निरीक्षक वेदवती दरियो, उप निरीक्षक चंदनसिंह मरकाम, प्र.आर. डिगेश्वर साहू, आरक्षक, मनीष चेलकर, डिलोचन रावटे, शिवलाल तिर्की, नारायण पटेल, योगेश ठाकुर, रविशंकर सोनवानी अउ स्पेशल टीम के सराहनीय भूमिका रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।