अंजोर.रायपुर, 10 मई 2021। बाल संप्रेक्षण गृह अउ प्लेस ऑफ सेफ्टी, माना के सबो लइका, स्टॉफ सुरक्षित अउ कोरोना के उपचार के बाद पूरा स्वस्थ हावय। जिला कार्यक्रम अधिकारी महिला अउ बाल विकास विभाग रायपुर ह बताइन के ए संप्रेक्षण गृह म कुल 73 अपचारी लइका हावय जकर सुरक्षागत कारण ले रैपिड एंटीजन अउ आर.टी.पी.सी.आर. टेस्ट कराइन गे रिहिस। येकर अलावा उहां कार्यरत सबो कर्मचारी मन के भी टेस्ट कराये गे रिहिस। रिपोर्ट के मुताबिक 45 लइका अउ 05 कर्मचारी मन म कोरोना संक्रमण के प्रारंभिक लक्षण मिले ही तुरते सबो संक्रमित लइका ल सामान्य लइका ले अलग करत संस्था के अंदर ही आइसोलेशन सेंटर बनाके उंकर लघियात अउ तुरते उपचार के कार्यवाही शुरू करे गिस।
जिला कलेक्टर डॉ.एस.भारतीदासन के निर्देश के मुताबिक तुरते ए संप्रेक्षण गृह ल कोविड सेंटर के रूप म विकसित करात शासन डहर ले करार कोविड प्रोटोकाल के पालन सुनिश्चित कराये गिस। मुख्य चिकित्सा अउ स्वास्थ्य अधिकारी के माध्यम ले इहां तुरते 01 डॉक्टर अउ 06 नर्स के ड्यूटी लगावत नगर पंचायत माना के मुख्य नगर पालिका अधिकारी के माध्यम ले सबो लइका अउ स्टॉफ के खातिर दवाई उपलब्ध कराये गिस। अभी के बेरा म सबो लइका कोरोना बीमारी ले बने होगे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।