अंजोर.बेमेतरा, 27 मई 2021। बेमेतरा जिला म कोविड-19 के संक्रमण ल देखत जिला ल 10 अप्रैल 2021 ले कलेक्टर अउ जिला दण्डाधिकारी डहर ले सरी जिला ल कंटेनमेंट जोन घोषित करे गे रिहिस। जेकर तहत अंर्तजिला आवागमन बर ई-पास अउ अन्तर्राज्यीय आवागमन बर मैनुअल पास के प्रक्रिया अपनाई गे रिहिस। 25 मई 2021 ले राज्य शासन डहर ले कंटेनमेंट जोन खतम करे के संबंध म निर्देश मिले म अब ई-पास अउ अंतर्राज्यीय पास जारी करे के कार्यवाही खतम हो गे हावय।
अपर कलेक्टर संजय कुमार दीवान ह बताइन के अब आन राज्य/जिल म जाये बर ई-पास अउ अंतर्राज्यीय पास के जरूरत नइ होही। बेमेतरा जिला म ए बखत म कुल 3113 आवेदन मिले रिहिस, जेमा सम्यक विचार के बाद 1341 अर्तजिला ई-पास जारी करे गिस अउ 1772 आवेदन आने-आने कारण ले निरस्त करे गिस। इही रकम ले 165 अंतर्राज्यीय ई-पास ए बखत म जारी करे गे रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।