मुख्यमंत्री भूपेश बघेल अउ स्वास्थ्य मंत्री टी.एस. सिंहदेव दिस अस्पताल के अधिकारी-कर्मचारी बधाई
अंजोर.नारायणपुर,29 मई 2021। कोरोना महामारी के संकट काल म भी छत्तीसगढ़ राज्य के 03 शासकीय जिला अस्पताल नारायणपुर, बीजापुर अउ कवर्धा के भारत सरकार डहर ले उत्कृष्टता स्वास्थ्य सेवा उपलब्ध कराये के खातिर प्रमाण पत्र दे गे हावय। मुख्यमंत्री भूपेश बघेल ह ए उपलब्धि के खातिर स्वास्थ्य विभाग सहित संबंधित जिला के मैदानी अधिकारी मन ल बधाई दीस हावय। स्वास्थ्य मंत्री टी.एस. सिंहदेव ह भरोसा जताये हावय के ये अस्पताल आगू भी अपन उत्कृष्टता बरकरार रखत मरीज मन के सेवा करही। ओमन समर्पित स्वास्थ्य सेवा के खातिर उत्कृष्टता प्रमाण-पत्र हासिल करे वाला सबो अस्पताल मन के अधिकारी-कर्मचारी मनला बधाई दीस हावय।
केन्द्रीय स्वास्थ्य अउ परिवार कल्याण मंत्रालय डहर ले बीजापुर के जिला अस्पताल ल उत्कृष्ट स्वास्थ्य सेवा अउ मरीज मन के बढि़या इलाज उपलब्ध कराये के खातिर राष्ट्रीय गुणवत्ता आश्वासन प्रमाण-पत्र दे गे हावय। इही रकम ले जिला अस्पताल नारायणपुर अउ जिला अस्पताल कवर्धा ल जचकी सम्बन्धी उत्कृष्ट सेवा दे के खातिर लक्ष्य सर्टिफिकेशन प्रमाण-पत्र दे करिन गे हावय।
मिले आरो के मुताबिक जिला अस्पताल नारायणपुर के मेटरनिटी ऑपरेशन थियेटर अउ लेबर रूम के 89-89 प्रतिशत अउ जिला अस्पताल कवर्धा के मेटरनिटी ऑपरेशन थियेटर के 89 प्रतिशत अउ लेबर रूम के 87 प्रतिशत अंक मिले हावयं। प्रमाण-पत्र दे के पहिली भारत सरकार के विशेषज्ञ के टीम डहर ले ए साल फरवरी म अस्पताल मन के ओपीडी, आई.पी.डी, जचकी कक्ष, राष्ट्रीय स्वास्थ्य कार्यक्रम के क्रियान्वयन अउ जनरल एडमिन बेवस्था के मूल्यांकन करिन गिस।
मूल्यांकन म खरा उतरने वाला अस्पताल मन ल ही केन्द्रीय स्वास्थ्य अउ परिवार कल्याण मंत्रालय डहर ले प्रमाण-पत्र जारी करे हावयं। राष्ट्रीय स्वास्थ्य मिशन, छत्तीसगढ़ के संचालक डॉ. प्रियंका शुक्ला ह किहिन के ये तीनों सरकारी अस्पताल मन डहर ले राष्ट्रीय गुणवत्ता आश्वासन प्रमाण-पत्र अउ लक्ष्य सर्टिफिकेशन प्रमाण-पत्र हासिल करे ले प्रदेश के दूसर अस्पताल भी लोगन ल बढि़या सुविधा मुहैया कराये बर प्रेरित होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।