शहीद गणेश कुंजाम के बहिनी गंगा ल मिजिस अनुकंपा नियुक्ति

अंजोर.कांकेर, 29 मई 2021। लद्दाख के गलवान घांटी म बिते साल चीन के सैनिक मनके संग होए हिंसक घटना म कांकेर जिला के गांव गिधाली निवासी शहीद गणेशराम कुंजाम के बहिनी कु. गंगा कुंजाम ल छत्तीसगढ़ राज्य शासन डहर ले शासकीय उच्चतर माध्यमिक विद्यालय गिरहोला विकासखण्ड चारामा म सहायक ग्रेड-03 के पद म अनुकंपा नियुक्ति दे गे हावय।

कलेक्टर श्री चन्दन कुमार ह आज ओला येकर ले संबंधित नियुक्ति पत्र दे करके उंकर उज्जवल भविष्य के खातिर अपन शुभकामना देत ओला परिवार के भरण-पोषण करे अउ सबो सदस्य के पूरा सहयोग करे के खातिर किहिन। अनुकंपा नियुक्ति पत्र देत समय जिला शिक्षा अधिकारी राकेश पाण्डे, सहायक संचालक लक्ष्मण कावड़े, शहीद गणेश कुंजाम के चाचा तिहारूराम कुंजाम भी उपस्थित रिहिस।