खुज्जी विधायक श्रीमती छन्नी साहू लगवाइन कोरोना टीका

अंजोर.राजनांदगांव, 10 मई 2021। खुज्जी विधायक श्रीमती छन्नी साहू ह आज कोरोना संक्रमण ले सुरक्षा के खातिर टीकाकरण कराइन। ओमन नागरिक मनले तको अपील करे हावय के सबो टीकाकरण कराके देश ल कोरोना संक्रमण ले सुरक्षित रखे म अपन जरूरी भूमिका निभाव। 

जानबा होवय के विधायक श्रीमती छन्नी साहू ह फोकट म टीकाकरण के खातिर विधायक निधि ले 2 करोड़ के सरी रकम मुख्यमंत्री मदद कोष म जमा कराय हावय, ताकि क्षेत्र के जनता ल जादा ले जादा टीकाकरण लगाये जा सकय। मिले आरो के मुताबिक ए मउका म विधायक प्रतिनिधि चन्दू साहू, जनप्रतिनिधि, जनपद सीईओ, तहसीलदार अउ स्वास्थ्य विभाग के अधिकारी अउ कर्मचारी मन उपस्थित रिहिस।