छत्तीसगढ़िया क्रांति सेना बांटत हावय गरीब परिवार ल सूखा राशन

अंजोर.रायपुर, 10 मई 2021। कोरोना राई दिन-दिन सचरते जावत हावय, अऊ शासन प्रशासन ह बने रकम ले रोकथाम नइ करे सकत हावय। उपराहा म हब ले लॉकडाउन, बुता काम ल बंद, दूबर दिन म गरीब मनके राशन सिरागे अऊ बिसाये खातिर रूपिया तको नइये। अइसन म छत्तीसगढ़िया क्रांति सेना ह गरीब मजदूर भाई मनला सूखा राशन पहुंचाये के बुता करत हावय।

संगठन के सेनानी मन अपन-अपन क्षेत्र म प्रदेश अध्यक्ष अमित बघेल के दिशा निर्देश म कोरोना गाईडलाइन के पालन कर जन सहयोग ले सूखा राशन बांटे सुघ्घर उदीम करत हावय। मिले आरो के मुताबिक आज छत्तीसगढ़िया क्रान्ति सेना के भनपुरी इकाई कोति ले ज़रूरतमंद परिवार मनला सूखा राशन अऊ मास्क  बांटे करे के बुता शुरू करे गिस। सरलग लॉकडाउन के सेती काम बुता अउ आर्थिक संकट ले जूझत परिवार के मदद के बुता आगू तको जारी रइही।

कोनो जरूरत मंद परिवार होही, जेला ये विपत्ति के बेरा म सूखा राशन के जरूरत हावय तव छत्तीसगढि़या क्रांति सेना रायपुर भनपुरी इकाई ल ओरा करव। लकी वर्मा 9827999591, रवि साहू 7805992113, रवि यादव 7987615515, बबलू राजपूत 87704 65724, अउ प्रकाश यादव 9111542273 ल फोन करके मदद ले सकत हावव।