छत्तीसगढ़ राज्य ओपन स्कूल म पढ़ईया बर अब 'वर्चुअल स्कूल'

अंजोर.रायपुर, 15 मई 2021। महामारी के सेती सबो स्कूल बंद हावय, छत्तीसगढ़ राज्य ओपन स्कूल के विद्यार्थी भी संपर्क केन्द्र म जाके नइ पढ़ सकत हावय। अइसे स्थिति म ये जरूरी हो गे हावय के सूचना प्रौद्योगिकी के उपयोग करके एक वर्चुअल स्कूल के स्थापना करे जाये। इही सेती अब छत्तीसगढ़ राज्य ओपन स्कूल म छत्तीसगढ़ वर्चुअल स्कूल के स्थापना करे गे हावय जेन म शैक्षणिक सत्र 2021-22 म लघियात प्रवेश सुरू होही। 

शिक्षा के क्षेत्र म प्रौद्योगिकी के विकास के सेती केऊ देश ह प्रौद्योगिकी के उपयोग करके वर्चुअल स्कूल के स्थापना करे गे हावय। संयुक्त राज्य अमेरिका अउ ऑस्ट्रेलिया जइसे देश म पाछु कई साल ले वर्चुअल स्कूल संचालित हावयं। ये वर्चुअल स्कूल अइसे विद्याथी मनल पढ़ाने के बुता करत हावयं जेन सरलग रूप ले स्कूल म अध्ययन नइ करके सकथे। छत्तीसगढ़ म अइसे विषय के पढ़ाई के बुता छत्तीसगढ़ राज्य ओपन स्कूल ल दे गे हावय। अभी तक छत्तीसगढ़ राज्य ओपन स्कूल डहर ले अइसे पढ़इया मन के पठन-पाठन के सामग्री उपलब्ध कराये जात हावय अउ कुछ दिन के लिये अध्ययन केन्द्र म समक्ष पढ़ाई के मउका भी दे जात हावय जेकर पाछु ये विद्यार्थी छत्तीसगढ़ राज्य ओपन स्कूल के परीक्षा म सामिल होके प्रमाण म पावत हावयं। छत्तीसगढ़ राज्य ओपन स्कूल के प्रमाण पत्र छत्तीसगढ़ माध्यमिक शिक्षा मंडल के प्रमाण पत्र के समतुल्य हावय।

छत्तीसगढ़ राज्य ओपन स्कूल के सचिव प्रोफेसर व्ही.के. गोयल ह बताइन के वर्चुअल स्कूल के ले कक्षा 9वीं, 10वीं, 11वीं अउ 12वीं के छात्र प्रवेश ले सकही। येकर ले छात्र प्रवेश, पढ़ाई अउ परीक्षा उक सबो बुता ऑनलाईन पद्धति ले होही। कक्षा 9वीं 10वीं के खातिर हिन्दी, अंग्रेजी, संस्कृत, गणित, विज्ञान अउ सामाजिक विज्ञान उक छः विषय के पढ़ाई होही। इही रकम ले कक्षा 11वीं अउ 12वीं के खातिर कला, विज्ञान अउ वाणिज्य संकाय के पढ़ाई होही। कक्षा 9वीं अउ 10वीं के खातिर सबो छः विषय अनिवार्य होही अउ कक्षा 11वीं अउ 12वीं के खातिर छात्र कला, विज्ञान (जीवविज्ञान या गणित) अउ वाणिज्य संकाय लेके प्रवेश ले सकत हावयं।

छत्तीसगढ़ वर्चुअल स्कूल के पोर्टल के निर्माण एनआईसी डहर ले करे जात हावय जेन virtualschool.cg.nic.in म उपलब्ध होही। ए पोर्टल म विद्यार्थी अपन इच्छा अनुसार, पात्रतानुसार कोनो भी पाठ्यकम म प्रवेश ले सकत हावयं। ए पोर्टल म विषयवार लर्निंग वीडियोस, स्टडी मटेरियल, असाइनमेंट, क्विज़ उक उपलब्ध रइही जेला विद्यार्थी कहीं ले भी इंटरनेट के माध्यम ले देख सकत हावयं। विद्यार्थी के अपन चुने मेंटर ले शंका संबंधी प्रश्न पूछक अउ गोठबात करे की भी सुविधा होही। वर्चुअल स्कूल के पाठ्यक्रम, छत्तीसगढ़ माध्यमिक शिक्षा मंडल के पाठ्यक्रम म लगभग 30 प्रतिशत कटौती करके तइयार करे गे हावय। वर्चुअल स्कूल के सबोच विषय के पाठ्यकम ल 10 इकाई म विभाजित करे जाही सबोच इकाई ले संबंधित पाठ्य सामग्री पीडीएफ फाईल के रूप म वेबसाईट म अपलोड करे जाही अउ आवश्यकतानुसार सबोच इकाई के खातिर वीडियो लेक्चर तइयार करवा के वेबसाईट म अपलोड करे जाही। सबोच विषय के सबोच इकाई के खातिर असाइनमेंट जारी करे जाही। सबसे पहिली पढ़ईया के पहिली इकाई के आधार म असाइनमेंट जारी करे जाही।

जब छात्र पहिली इकाई के असाइनमेंट म पास हो जाही तो वो ह दूसरा इकाई के पाठ्य सामग्री, वीडियो लेक्चर अउ असाइनमेंट ल देख सकही इही रकम ले सबो असाइनमेंट ल पास करे के पश्चात् ही वो ह मुख्य परीक्षा म सामिल होए के खातिर पात्र होही। वर्चुअल स्कूल के कक्षा 9वीं म प्रवेश बर कक्षा 8वीं पास या कक्षा 9वीं फैल होना चाही। कक्षा 10वीं म प्रवेश बर कक्षा 9वीं पास या कक्षा 10वीं फैल होना चाही इही रकम कक्षा 11वीं म प्रवेश बर कक्षा 10वीं उत्तीर्ण या कक्षा 11वीं फैल अउ कक्षा 12वीं म प्रवेश बर कक्षा 11वीं पास या कक्षा 12वीं फैल होना चाही।