एटीएम कस्टिडियन करिस 17 लाख के हेराफेरी, जुआ, दारू, अउ घूमई-खवई म उड़ादिस पइसा

अंजोर.रायगढ़, 12 मई 2021। रायगढ थाना चक्रधरनगर रायगढ़ डहर ले थाना धरमजयगढ़ म एटीएम कस्टिडियन राम विलास चौहान अउ रोशन तिगगा डहर ले दू एटीएम म डाले गे रूपिया 17,71,000 कम पाए जाये के संबंध म रिपोर्ट दर्ज कराइन गे हावय। आवेदन म दुनों आरोपी मन के विरुद्ध धारा 409, 34 भादवि के अपराध पंजीबद्ध करके विवेचना म लिस। प्रार्थी बताइन के कंपनी के कर्मचारी  01. राम विलास चौहान पिता शंकरराम चौहान उमर 27 साल निवासी धवीटोली सिंगिबहार थाना तपकरा जिला जशपुर, 02. रोशन तिग्गा पिता फबियानुस तिग्गा उमर 26 साल निवासी सारसबहार चटकपुर डंण्डा डीह थाना दुलदुला जिला जशपुर दुनों कर्मचारी मन के एटीएम कस्टोडियन के रूप म नियुक्त करे गे रिहिस। दुनों कस्टोडियन के भारतीय स्टैट बैंक शाखा धरमजयगढ़ ले प्रदान करे गे इंडेट के मुताबिक नगदी निकाले अउ एटीएम म लोड करे के जिम्मेदारी सौपी गे रिहिस जेन 4 मई 2021 के आडिट करे अउ जांच के बाद नगदी रकम 17,71000 रूपिया के कमी पाया गिस।

धरमजयगढ़ पुलिस डहर ले दुनों आरोपी मन ल हिरासत म पूछताछ करे म बताइन पाछु 7 महीने ले धर्मजयगढ़ अउ बागबाहर एसबीआई एटीएम ले लॉगिन करके पैसा निकाल रिहिस। दुनों लगभग 17 लाख 71 हजार रूपिया निकाले हावयं, कब कतका पइसा निकाले हावय तेर हिसाब नइये। आरोपी रामविलास चौहान एटीएम ले निकाले पैसा जुआ म हार जाना अउ रोशन तिग्गा बंटवारे म मिले रकम म ले मोटरसाइकिल खरीदना अउ परिवारजन के इलाज कराना अउ घूमना खाना-पीना म खर्च करना बताइन। पुलिस कोति ले मिले आरो के मुताबिक दुनों आरोपी मन ल गिरफ्तार करके पुलिस अभिरक्षा म रखे गे हावय। कल दुनों ल रिमांड म भेजा जाही।