कोसीर पुलिस के बड़का कार्यवाही : गौ तस्कर के हाथ ले छोड़ाइस एक ट्रक मवेशी, ड्राईवर अउ मालिक के तलाश म जुटिस पुलिस

अंजोर.रायगढ़, 28 मई 2021। थाना प्रभारी कोसीर निरीक्षक रूपेन्द्र नारायण साय ल मुखबिर ले सूचना मिलिस के एक 12 चक्का ट्रक म सरसीवा कोति ले मवेशी लोड होके सारंगढ कोति जात हावय। सूचना म तत्कावल पुलिस मउक म पहुंच के ट्रक ल रोके के कोशिश करिन फेर नइ रोक सकिस, सारंगढ तनि आगू भागगे। पुलिस पीछा करे रिहिस दानसरा बेरियर म भी स्टाफ रोके प्रयास करिन उहो नइ रूकिस, सराईपाली रोड म भागत ट्रक के चालक मानिकपुर अउ बटाउपाली के बीच मेन रोड म ट्रक ल छोडके भाग गे। 

ट्रक म ठूस-ठूसके 44 मवेशी ल क्रूरतापूर्वक लोड करे गे रिहिस, जेमा 01 रास मवेशी के मृत्यु होगे रिहिस। बांचे 43 रास मवेशी अउ एक ट्रक वाहन ल जप्त करके कोसीर पुलिस कब्जा म लिस। मवेशी मनला केडार के अमलडीह गौशाला म रखवाये गे हावय। ट्रक के चालक उपर थाना प्रभारी डहर ले अप.क्र. 104/2021 धारा विरूद्ध 279 IPC अउ छ.ग. कृषक पशु परिरक्षण अधिनियम के धारा- 4,5,6,10,11 (क) के तहत अपराध पंजीबद्ध करे गे हावय। ट्रक के चालक अउ मालिक के पता लगाये जात हावय।