- नगर निगम रायपुर ह समूह ल दीस 1.02 लाख के वित्तीय सहायता
- गउठान म आत्मनिर्भर होके गोबर के उत्पाद ले आय अर्जित करके करत हावय स्व-सहायता समूह
अंजोर.रायपुर, 29 मई 2021। छत्तीसगढ़ म गोधन न्याय योजना ले महिला स्व-सहायता समूह गोबर ले खातु अउ आन उत्पाद तइयार करके अपन कुशल प्रबंधन ले आय अर्जित करे हावयं। रायपुर नगर निगम के डंगनिया एसएलआर सेंटर के जय लक्ष्मी महिला स्व-सहायता समूह डहर ले आर्थिक गतिविधी के संचालन करे जात हावय। ए समूह ह 15 मई तक 6 हजार 412 किलो खातु के उत्पादन करिन हावय, जेमा ले 3 हजार 570 किलो खातु के बिक्री ले 35 हजार 700 रूपिया के आय अर्जित करे हावय उहें नगर निगम रायपुर डहर ले अतिरिक्त वित्तीय मदद (वीजीएफ) के रूप म ए समूह ल एक लाख दू हजार रूपिया के रकम दे गे हावय।
एजेंसी ले मिले आरो के मुताबिक ए समूह ह गोबर अउ लकड़ी, छेना बेचे ले 26 हजार 355 रूपिया के आय भी अर्जित केर हावय संग ही समूह ल 15 मार्च तक 5 हजार 895 रूपिया के लाभांश भी दे गे हावय। जानबा होवय के गोठान म गोबर ले खातु अउ आन वस्तु के निर्माण करके समूह ल गठन आत्मनिर्भर माडल के आधार म करे गे हावय। ये समूह ल ये अधिकार दे गे हावय के गोबर ले बने सबो उत्पाद जइसे खातु, छेना, लकड़ी के बिक्री ले मिले रकम उंकर खाता म अंतरित हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।