छत्तीसगढ़ म 'ब्लैक फंगस' के संक्रमण, सरकार करिस दवई-बुटी के जोखा

अंजोर.रायपुर, 12 मई 2021। मुख्यमंत्री भूपेश बघेल ह प्रदेश म ब्लैक फंगस के संक्रमण होए के जानकारी ल गंभीरता ले लेवत, ओमन छत्तीसगढ़ के सबो जिला म ब्लैक फंगस के उपचार के खातिर सबो जरूरी दवा के उपलब्धता सुनिश्चित कराये के निर्देश स्वास्थ्य विभाग के अधिकारी मनला दे हावयं। 

जानबा होवय के अभी के बेरा म छत्तीसगढ़ राज्य म ब्लैक फंगस के संक्रमण होए के जानकारी मिले हावय हावय। जेकर रोकथाम बर पोसाकोनाजोल अउ एम्फोटेरसिन-बी दवई के जरूरत हाथे, जेकर सरलग अउ विधिवत् आपूर्ति करे  जाना अतिआवश्यक हावय। मुख्यमंत्री के निर्देश म छत्तीसगढ़ के खाद्य अउ औषधि प्रशासन नियंत्रक ह सबो जिला म पदस्थ औषधि निरीक्षक ल अपन जिला  म दवई पोसाकोनाजोल अउ एम्फोटेरेसिन-बी (समस्त डोज फार्म, टेबलेट, सीरप, इंजेक्शन अउ लाइपोसोमल इंजेक्शन) के उपलब्धता सुनिश्चित करे के निर्देश जारी करे हावयं। 

खाद्य अउ औषधि प्रशासन नियंत्रक ह औषधि निरीक्षक मनल निर्देशित करे  हावय, के वो अपन-अपन कार्यक्षेत्र के भीतर सबो होलसेलर, स्टाकिस्ट, सीएंडएफ ले ये औषधि के अभी के बेरा म उपलब्ध मात्रा के जानकारी रोज देवे। औषधि निरीक्षक अपन क्षेत्र के सबो औषधि प्रतिष्ठान ल ए संबंध म जरूरी निर्देश जारी करें।