कोरोना संक्रमित कैदी फरार, अम्बिकापुर के जेल प्रहरी निलंबित

अंजोर.अम्बिकापुर, 11 मई 2021। केंद्रीय जेल अम्बिकापुर के जेल म थाना धौरपुर के चन्देश्वरपुर निवासी विचाराधीन बंदी संतोष यादव राजपुर ल न्यायिक मजिस्ट्रेट के आदेश के मुताबिक 5 जेल दाखिल करे गे रिहिस। विचाराधीन बंदी के कोरोना संक्रमित होए म उपचार बर जेल डॉक्टर के सलाह ले जेल प्रहरी मनीष बंछोर के देख-रेख म जिला चिकित्सालय अम्बिकापुर भेजा गिस जिहां आन बंदी के संग उपचार करात रिहिन। 10 मई के बिहनिया 6 बजे ले पहिली वार्ड ले बंदी संतोष यादव फरार होगे। बंदी के फरार होए म संज्ञान लेवत पता साजी करे गिस, कोनो आरो नइ मिले म जेल अधीक्षक ल सूचना दे गिस। जेल अधीक्षक डहर ले बंदी के फोटो थाना प्रभारी धौरपुर के उपलब्ध करात एफआई दर्ज कराये गिस। 

ये मामला म लापरवाही बरते के सेती केंद्रीय जेल अम्बिकापुर के जेल अधीक्षक राजेन्द्र कुमार गायकवाड़ डहर ले जेल प्रहरी मनीष कुमार बंछोर ल निलंबित कर दे गे हावय अउ निलंबन बखत म उंकर मुख्यालय जिला जेल रामानुजगंज नियत करे  गे हावय।