45 ले जादा उमर के 96% लोगन लगवाइस कोविड टीका के पहिली डोज

अंजोर.धमतरी, 10 मई 2021। धमतरी जिला म अब तक 45 साल ले जादा उमर के 96% ले जादा लोगन ह कोविड टीका के पहिली डोज ले हावय। दूसरा डोज के खुराक के खातिर कार्ययोजना बनाये गे हावय, जेमा टीके के केन्द्रवार आबंटन ए रकम करे गे हावय, जेकर ले समुदाय के जादा ले जादा लोगन ल दूसरा खुराक देके जा सके, ताकि कोरोना संक्रमण के चैन के तोड़े म सहयोग मिले। 

कलेक्टर जय प्रकाश मौर्य ह आज सबो अनुविभागीय अधिकारी राजस्व, मुख्य कार्यपालन अधिकारी जनपद पंचायत अउ खण्ड चिकित्सा अधिकारी मन के वीसी के जरिए बइठक लेके ए संबंध म बनाये गे कार्ययोजना के अनुरूप कार्रवाई करे के निर्देश दिस। ओमन बताइन के जिला म लगभग 120 टीकाकरण केन्द्र हावय। हर विकासखण्ड के खातिर अंगे्रजी के वर्णमाला के हिसाब ले टीकाकरण केन्द्र ल बांटे गे हावय। ये केन्द्र म टीका के दूसरा डोज के आबंटन अंगे्रजी वर्णमाला के अनुक्रम म करे जाही। अइसे केन्द्र के तहत आने वाला गांव के सबो लोगन, जिहा पहिली डोज खातिर 42 दिन हो गे हावयं, ओला ये केन्द्र म टीके के दूसरइया खुराक दे जाही। 

कलेक्टर ह बताइन के केन्द्रवार टीके के आबंटन जिला ले करे जाही। सबो एसडीएम अउ सीईओ जनपद के दायित्व होही के पंचायत मन म बनाए गे कोविड कॉल केन्द्र ल क्रियाशील रखें, जेकर ले टीकाकरण केन्द्र म आने वाला सबो गांव के पात्र लोगन ल येकर जानकारी पंचायत स्थित कोविड कॉल सेंटर ले मिलती रिहि। कलेक्टर ह किहिन के प्रयास करे जाए के अगले एक सप्ताह के अंदर उन सबो पात्र लोगन ल टीका लग जाए। संग ही ओमन सबो एसडीएम ल सुनिश्चित करे ल किहिन के पटवारी भी अपन मूल हल्का वाला पंचायत म कोविड प्रबंधन म काम करें अउ पंचायत मनके कोविड कॉल सेंटर म ड्यूटी म लगे मैदानी अमला ले रोज मिलके कोविड संक्रमण ले संबंधित समस्या अउ दिक्कत म चर्चा करके ओला सुलझाने के प्रयास करें। 

कलेक्टर ह आगू बताइन के 18 ले 44 साल के मनखे मन के टीकाकरण के खातिर भी कार्ययोजना जिला म बनाये गे हावय। अभी के बेरा म पर्याप्त मात्रा म टीका उपलब्ध नइ होए के सेती ले अंग्रेजी के वर्णमाला के हिसाब ले टीकाकरण केन्द्रो ल 200 टीका के खुराक उपलब्ध कराये जाही। एमे राज्य शासन डहर ले जारी अनुपात के मुताबिक 200 म ले 30 अंत्योदय राशन कार्डधारक, 130 प्राथमिकता वाला राशन कार्डधारक अउ 40 सामान्य राशन कार्डधारक ल कोविड टीका लगाये जाही। ओमन ए अनुपात के कड़ाई ले पालन टीकाकरण केन्द्र म सुनिश्चित करे के निर्देश दे हावयं। संग ही गांव पंचायत म मुनादी कराये ल भी किहिन हावय के इच्छुक मनखे टीकाकरण केन्द्र म पंजीयन करा लें अउ जब टीका आही तो गांव पंचायत ल सूचित करके दे जाही, ताकि टीके के उपलब्धता के आधार म पंजीकृत मनखे संबंधित टीकाकरण केन्द्र म पहुंच के अपन खुराक ले सकें।  

कलेक्टर ह आगू वीसी म बताइन के 18 ले 44 साल तक के उमर वर्ग के हितग्राही मन के पंजीकरण के खातिर टीकाकरण केन्द्र म तीन पंजी अंत्योदय, प्राथमिकता अउ एपीएल या सामान्य राशन कार्डधारी के खातिर संधारित करे  जाही। टीकाकरण केन्द्र म अंत्योदय, प्राथमिकता अउ सामान्य लाभार्थी के खातिर टीकाकरण के पहिली रजिस्ट्रेशन कराना अनिवार्य हावय। लाभार्थी के टीकाकरण केन्द्र म उपस्थित होए म जेन जरूरी दस्तावेज प्रस्तुत करे होही, ओमा अंत्योदय अउ प्राथमिकता राशन कार्डधारक के राशन कार्ड, आधार कारड अउ मोबाइल नंबर देना होही। इही रकम एपीएल राशन कार्डधारक या राशन कार्डधारक नइ होए के स्थिति म मनखे के आधार कार्ड, मोबाइल नंबर या आन कोनो पहचान प्रस्तुत करना होही।