अंजोर.कोण्डागांव, 27 मई 2021। कलेक्टर पुष्पेन्द्र कुमार मीणा के अध्यक्षता म उड़ान आजीविका केन्द्र म संचालित गतिविधी म समीक्षा बर वर्चुवल मीटिंग बलाई गिस। जेमा उडान आजीविका केन्द्र अउ जिला के स्वसहायता समूह डहर ले बने उत्पाद ल बेचे बर बिहान बाजार के 28 मई ले सुरू करे के संग आन मुद्द म गोठबात करे गिस। ए बिहान बाजार म बस्तर हल्दी ब्राण्ड के हल्दी, रागी अउ नारियल के कुकीस, तीखुर, कोल्डप्रेस्ड नारियल तेल, अगरबत्ती, धुपबत्ती, स्लीपर सहित उड़ान के अन्तर्गत बने मसाला मुख्य आकर्षण के केन्द्र होही संग ही प्रोसेस्ड अनाज भी बेचे जाही।
ए बइठक म जिला म बनत रागी अउ नारियल के कुकीस, तीखुर, कोल्डप्रेस्ड नारियल तेल, स्लीपर, अगरबत्ती अउ धूपबत्ती के विपणन अउ बेचे बर मार्केटिंग म जोर देत ये सबो उत्पाद ल स्थानीय, आन जिला अउ राज्य म मांग मुताबिक आपूर्ति करवाये म गोठबात होइस। येकर अलावा ये सबो उत्पाद ल कोण्डानार ब्रांड ले विपणन के खातिर गुणवत्तायुक्त कच्चा माल आपूर्ति बर रणनीति तइयार करके स्व-सहायता समूह ल प्रशिक्षण दिये जाये म भी गोठबात होइस। येकर खातिर तकनीकी प्रशिक्षण के खातिर विशेषज्ञ के मदद ले जाही संग ही ई-मार्केटिंग कम्पनी म उत्पाद ल रजिस्टर करके बेचे जाही।
जानबा होवय के जिला म उड़ान आजीविका केन्द्र म बने उत्पाद ल कंपनी सर्टिफिकेशन मिले के बाद इहां बने उत्पाद के ब्रांडिंग करके बेचे बर उड़ान महिला कृषक प्रोड्यूसर कम्पनी लिमिटेड के कोण्डानार ब्रांड ले विपणन करे जात हावय संग ही इही अण्डा अउ मुर्गी दाना के भी उत्पादन करे जात हावय। जेकर तहत् कुकाड़गारकापाल म अण्डा अउ मुर्गीदाना उत्पादन केन्द्र ले अब तक 81 हजार ले जादा अण्डो अउ 13850 किग्रा मुर्गीदाना के उत्पादन करे गे हावय। ये सबो अण्ड ल जिला म चल रिहिन सुपोषण अभियान के महिला बाल विकास विभाग के अउ निजी वेंडर मनला उपलब्ध कराये गे हावय संग ही सरी मुर्गीदाना के प्रयोग अण्डा उत्पादन केन्द्र म ही करे गे हावय। ए बइठक म केन्द्र म उपभोग के बाद बांचे मुर्गीदाना अउ अण्डा ल सरी राज्य म सप्लाई करे जाये के खातिर रणनीति बनाये म विचार करे गिस। बइठक म जिला पंचायत सीईओ डीएन कश्यप, डीडी जिला पंचायत बीआर मोरे, सीईओ जनपद कोण्डागांव अमित भाटिया, डीएमएम एनआरएलएम विनय सिंह, डीपीएम एलआरएलएम नितेश देवांगन, रूर्बन विशेषज्ञ सुनील रंजन, छ.ग. महिला मंच प्रमुख सिद्धार्थ पाण्डे उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।