अंजोर.रायपुर, 27 मई 2021। कोरोना टीका के बरबादी के बारे म सोशल मीडिया ल छत्तीसगढ़ ल 30% के साथ दूसरइया नंबर म बताये गे हावय। केहे जाथे के ये केन्द्र के रिपोर्ट आए, येमा प्रदेश सरकार के स्वास्थ्य मंत्री टीएस सिंहदेव के कहना हावय के प्रदेश म टीका के पूरा उपयोग करे गे हावय। अऊ ये बात के आरो केन्द्रीय स्वास्थ्य मंत्री ल तको दे गे रिहिस, जेमा ओमन स्वीकार करे रिहिन के सरकार के पोर्टल म एक तकनीकी त्रुटि हावय जेन अपव्यय प्रतिशत ल बढ़ात हावय।
स्वास्थ्य मंत्री टीएस सिंहदेव के बताती CoWIN के अनुसार छत्तीसगढ़ ल
- मिले टीका : 72,90,210। स्टॉक म टीका : 10,31,230। टीका लगाये गिस : 61,99,637। अपव्यय: 0.95% हावय।
आगू ओमन आरो दीस के 61.99 लाख लाभार्थी मनला CoWin ले पीएम के तस्वीर के साथ प्रमाण पत्र दे गे हावय। जबकि केंद्र सरकार कोति ले हेल्थकेयर अउ फ्रंटलाइन वर्कर्स खातिर आपूर्ति करे गे टीका म ये अउ 45+ आयुवर्ग खातिर केवल 0.95% के बर्बाद होहे। 18-45 वर्ष आयु वर्ग खातिर सीधा हमर डहर ले खरीदे गे टीका केवल 0.29% अपव्यय होगे। ये स्थिति राष्ट्रीय औसत ले कहीं बेहतर हावय। बावजूद येकर कुछ मीडिया इकाई डहर ले राज्य म 30% टीका के बर्बादी के रिपोर्ट आना दुर्भाग्यपूर्ण हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।