अंजोर.बलौदाबाजार, 7 मई 2021। मुख्यमंत्री भूपेश बघेल आज 500 बिस्तर कोविड केयर हॉस्पिटल के ऑनलाईन शुभारंभ करिन। 20 दिन के भीतर बलौदाबाजार के कृषि उपज मंड़ी परिसर म तइयार होए कोविड हॉस्पिटल म ऑक्सीजन युक्त 120 बेड हावय। मिले आरो के मुताबिक ए कोविड हॉस्पिटल के माध्यम ले बलौदाबाजार-भाटापारा जिला के कोरोना मरीज मन के इलाज के खातिर बढि़या सुविधा उपलब्ध हो सकही।
ये हॉस्पिटल के निर्माण कृषि उपज मंडी प्रांगढ़ म उपलब्ध आधारभूत ढांचा ल उपयोग म लानत करे गे हावय। कोविड संक्रमण काल म ए चुनौती भरे काम ल महज 20 दिन म पूरा करे गे हावय। ए 500 बिस्तर वाला हॉस्पिटल म 120 बिस्तर ऑक्सीजन सुविधा संग 33 बिस्तर एचडीयू के अउ 36 आईसीयू अउ 51 बिस्तर ऑक्सीजन युक्त हावयं, जेन पूरा वातानुकूलित हावय। इहां 380 जनरल बिस्तर उपलब्ध हावय। ए कोविड केयर हॉस्पिटल के आवश्यकतानुसार विस्तारित करे जाये की भी सुविधा हावय। इहां मरीज मन के सुविधा के विशेष रूप ले धियान रखे गे हावय, जेकर ले ओला घर जइसे वातावरण महसूस होही। ये जिला के एक आधुनिकतम हॉस्पिटल हावय, जेन कोरोना ले संक्रमित मरीज मन ल बड़का राहत पहुंचाही। येकर संचालन के सबो व्यवस्था पूरा कर ले गे हावय। इहां के जरूरत के अनुरूप डॉक्टर मन अउ आन स्वास्थ्य कर्मी मनके ड्यूटी लगाये के संग आन कर्मचारी तको नियुक्ति करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।