कोरोना संकट ले निपटे खातिर अम्बुजा सीमेन्ट ह बढ़ाइस हाथ, दिस 25 नग ऑक्सीजन कंसेंट्रेटर मशीन

अंजोर.बलौदाबाजार, 20 मई 2021। अम्बुजा सीमेन्ट फॉउन्डेशन ह स्वास्थ्य एलाइंस के संग मिलके कोरोना संकट ले निपटे खातिर म जिला प्रशासन के संग सहयोग के हाथ बढ़ाये हावय। जिला कलेक्टर सुनील कुमार जैन ल जिला कार्यालय परिसर म यूनिट हेड एवीएनवी एस.मूर्ति के नेतृत्व म कम्पनी के प्रतिनिधि मण्डल ह सौजन्य मुलाकात करिन अउ कम्पनी प्रबंधन तनि ले दान म दे गे 25 नग ऑक्सीजन कंसेंट्रेटर मशीन सौंपिन। दान म दे गे ये मशीन के कीमत लगभग 15 लाख रूपिया हावय। श्री मूर्ति ह जरूरत पड़े म अउ भी सहयोग के भरोसा दिलाये हावय। येकर ले ऑक्सीजन के कमी ले जूझत जिला के कोरोना मरीज़ ल ऑक्सीजन के पूर्ति करके उंकर प्राण बचाये जा सकही। 

कलेक्टर श्री जैन ह सहयोग के खातिर अम्बुजा सीमेन्ट कम्पनी प्रबंधन ल धन्यवाद देत उंकर प्रति आभार व्यक्त करिन हावय। ए मउका म एडीएम राजेन्द्र गुप्ता सहित अम्बुजा सीमेन्ट कम्पनी के ऑपरेशनल हेड संदीप सीरा, प्रशासनिक हेड अजय रकवाल, चीफ मेडिकल हेड डॉ आशीष शुक्ला अउ सीएसआर हेड रोचक भारद्वाज भी उपस्थित रिहिस।