अंत्योदय अउ प्राथमिकता राशन कारड वाले मनला मिलही फोकट म ऊपराहा चाउंर

अंजोर.महासमुन्द, 27 मई 2021। कोरोना वायरस संक्रमण के रोकथाम खातिर लॉकडाउन म रोज कमाने खाने वाला के सामने एक संकट आगे रिहिस। संक्रमण के फैले ले रोके अउ लोगन के बचाव के खातिर लॉकडाउन के बखत गरीब परिवार अउ मजदूर मन ल भी घर म ही रहना पड़त रिहिस। जेकर ले उंकर मन म अपन परिवार के आन सदस्य के खातिर भोजन के बेवस्था अउ घर के बचे राशन के खतम होए के चिंता सताये लगे रिहिस। राज्य शासन ह गरीब, जरूरतमंद के ए समस्या ल धियान म रखत कोनो भूखा नइ रिहि ए संकल्प के संग कोरोना के चलत पात्र प्राथमिकता राशन कारड धारी ल सार्वजनिक वितरण प्रणाली के तहत् दू महीना मई अउ जून महीना के एक संग फोकट म चाउंर वितरण करे जाये के निर्देश दे गे हावय।

जिला खाद्य अधिकारी ह बताइन के राज्य शासन डहर ले सार्वजनिक वितरण प्रणाली के प्रचलित राशन कार्ड म महीना मई अउ जून के सरलग अउ अतिरिक्त खाद्यान्न के एकमुश्त वितरण के संबंध म निर्देश दे हावय। भारत सरकार डहर ले अंत्योदय राशन कारड म महीना मई अउ जून के खातिर फोकट म अतिरिक्त चाउंर आबंटन जारी करे हावय। अधिकारी मन ह बताइन के अंत्योदय राशन कार्डधारी के सबोच सदस्य के 5 किलो के हिसाब ले ऊपराहा चाउंर मुहैया कराये जाही। ओमन ये भी बताइन के 1 ले 3 सदस्य वाला प्राथमिकता राशन कारड धारी मनके उपहराहा चाउंर के पात्रता नइ होही। 

चार सदस्य वाला प्राथमिकता राशन कारड धारी ल 5 किलोग्राम के हिसाब ले दू महीना के 10 किलोग्राम अतिरिक्त चाउंर मिलही। 5 या 5 ले जादा सदस्य मन वाला प्राथमिकता वाला राशन कारड धारी मनल 3 किलोग्राम प्रति सदस्य के मान ले उपराहा चाउंर के पात्रता होही। ए रकम ले प्रति सदस्य के 2 महीना (मई अउ जून) के 6 किलोग्राम उपहरा चाउंर मिलही, ये राशन फोकट म मिलही। जिला म अन्नपूर्णा, एकल निराश्रित अउ निःशक्त जन राशन कारड म महीना मई अउ जून के चाउंर के सरलग आबंटन के फोकट म वितरण करे जाना हावय। सामान्य राशन कारड म पहिली प्रचलित पात्रता अउ करार उपभोक्ता दर म वितरण करे जाना हावय।