अंजोर.भाटापारा, 11 मई 2021। थाना भाटापारा शहर म नजीम खान सी.एम.एस इन्फो सिस्टम लिमिटेड छत्तीसगढ़ के हेड ह थाना आके रिपोर्ट दर्ज कराइन के 03 मई के अज्ञात चोर डहर ले दू बैग म रखे रकम अनुमानित रूप ले बिल रसीद सहित 20- 25 लाख रूपिया लगभग के चोरी करके ले गे। थाना भाटापारा ह 168/21 धारा 380, 454, 34 भा.द.वि पंजीबद्व करके मामला म लघियात कार्यवाही करत आरोपी मनके पता तलाश करत लगभग 15 अलग अलग ठिकाना लगभग 40-50 CCTV फुटेज के चेक करके अउ तकनिकी मदद के माध्यम ले संदेही आरोपी ल पकड़े गिस।
पुलिस कोति ले मिले आरो के मुताबिक घटना के मास्टर माईन्ड पहिली सी.एम.एस कर्मचारी मनोज देवांगन निकलिस। जेन प्लानिंग करके मनोज उर्फ छोटु देवांगन, मन्नु साहू, राजा उर्फ हितेश निर्मलकर, उमाकांत गुप्ता, मालिकराम देवांगन, छोटु उर्फ लइका साहू अउ अपचारी बालक संग घटना ल अंजाम दिस। CCTV कैमरा चेक करे म आरोपी डहर ले वाल्ट रूम म घुस ही कैमरे के बंद करत दिखिस फेर आरोपी मुंह बांधे रिहिस ते सेती पहचानना मुश्किल रिहिस। बारिकी के चेक करे म एक आरोपी के हाथ म ताला अउ चाबी हाथ म पकड़ं होना अउ वाल्ट रूम म रखे बैग के अलग-अलग छाटत दिखे म कम्पनी के कोनो सदस्य के संलिप्तता के संदेह होए म सबो संबंधित कर्मचारी जेन वाल्ट रूम के चाबी रखत हावय अउ पहिली कर्मचारी ले बारिकी ले पूछताछ करे गिस।
जेमे शक के आधार म मनोज देवांगन ले कडाई ले पूछताछ करे म चोरी के घटना के अंजाम देना स्वीकार करत पुरा घटना के खुलासा करत अपन सबो साथी मनके नाम बताइन। एक अपचारी बालक सहित कुल 09 आरोपी मन ले चोरी के कुल नकदी रकम 2825300 रूपिया, घटना म प्रयुक्त मोटर सायकल अउ मोबाइल बरामद करके आरोपी मनला जेल भेज दे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।