सिरफ पीके मरइया ल शहीद के दर्जा देके मुआवजा देना चाहि, उंकरे शहादत ले सरकार ल दारू बेचे के मउका मिलिस : पूर्व मंत्री अजय चंद्राकर

अंजोर.रायपुर, 9 मई 2021। छत्तीसगढ़ सरकार ह 10 मई ले प्रदेश म ऑनलाइन माध्यम ले दारू के घर पहुंच सेवा शुरू करे हावय। सरकार के ये फइसला अइसे बखत म आए हाबे जब देश कोरोना ले लड़त हावय। दारू बेचे के फइसला के पाछू के ओखी के बाद प्रदेश के पूर्व मंत्री अजय चंद्राकर ह ट्वीट करके किहिन के कोरमी, जिला बिलासपुर म जेन मन सिरफ पीके मरे हावय, छत्तीसगढ़ के कांग्रेस सरकार ह ओ मनला "शहीद" के दर्जा देके मुआवजा देना चाहि। काबर के उंकरे शहादत ले ही सरकार ल दारू बेचे के मउका मिलिस। ओमन आगू किथे के कोरोना के लड़ाई देश म डी.आर.डी.ओ. नयी वेक्सीन के साथ मैदान म, अऊ छत्तीसगढ़ के कांग्रेस सरकार कोरोना के लड़ाई म दारू के संग मैदान म।