अपन माता, मातृभाषा, मातृभूमि अउ पैतृक स्थान ल हमेशा सुरता रखव : उपराष्ट्रपति एम. वेंकैया नायडू

अंजोर.नई दिल्ली। उपराष्ट्रपति श्री एम. वेंकैया नायडू ह आज अपन मूल जड़ ल सुरता रखे अउ अपन माता, मातृभाषा, मातृभूमि अउ पैतृक स्थान के सम्मान म जोर दीस। श्री नायडू ह भुवनेश्वर म राजभवन म “नीलिमारानी- माई मदर-माई हीरो” नामक पुस्तक के विमोचन करे के बाद जनसमूह ल संबोधित करत शिक्षा, न्यायपालिका अउ प्रशासन म मातृभाषा के व्यापक उपयोग के अपील करिन। “साझा करे अउ देखभाल करे” के सच्चा भावना म, ओमन सफल पुरूष अउ महिला मनके अपन पैतृक गांव म रेहे लोगन के सहायता अउ समर्थन करे के अपील करिन। 

लोकसभा सदस्य डॉ. अच्युत सामंत डहर ले लिखे गे पुस्तक उंकर स्वर्गीय माता श्रीमती नीलिमारानी के जीवनी हावय। अपन माँ के जीवन अउ संघर्ष के शब्द म उतारे खातिर श्री सामंत के सराहना करत श्री नायडू ह किहिन के कोनो माँ के जीवनी ल विमोचन करना दिल के छू लेवई हावय काबर के ये माँ ही हावय जोन बच्चा के पालन-पोषण अउ मूल्य के जरिए कोनो पुरूष या महिला ल महान बनाथे।

श्रीमती नीलिमारानी के भावभीनी श्रद्धांजलि अर्पित करत उपराष्ट्रपति ह किहिन के भीषण गरीबी अउ संसाधन के कमी के बावजूद ओमन अपन बच्चा मनके अच्छा शिक्षा सुनिश्चित करिन अउ गरीब अउ वंचित लोगन के उत्थान के खातिर बुता करत रिहिस। ओमन ए बात म प्रसन्नता जताईन के अपन बच्चा मनके सहायता ले श्रीमती नीलिमारानी जी ह अपन पैतृक गांव कलाराबांका ल देश म अपन रकम के प्रथम स्मार्ट गांव म तब्दील करके देत हावय। ओला बहुत प्रेरणादायी बतात श्री नायडू ह इच्छा जताई के दूसर लोगन भी उंकर अनुसरण करें अउ अपन पैतृक स्थान म रहत लोगन के बेहतरी के खातिर बुता करें।