लाकडाउन म आन जिला ले अवइया बर ई-पास के बेवस्था

अंजोर.रायपुर। कलेक्टर अउ जिला दण्डाधिकारी रायपुर डॉ. एस.भारतीदासन ह कोरोना के प्रभावी रोकथाम अउ नियंत्रण ल देखत जिला म आज 9 ले 19 अप्रैल के बिहनिया तक सरी क्षेत्र के क्वारंटाइन क्षेत्र घोषित करत लाकडाउन लगाये के आदेश दे हावय। आदेश अवधि म जिला के सीमा बंद रिही। बहुतेच जरूरी बुता ले जिला म अवइया-जवइया नागरिक मन के खातिर लाकडाउन ई-पास के बेवस्था करे गे हावय।

अनुविभागीय दण्डाधिकारी रायपुर प्रणव सिंह डहर ले बताये मुताबिक लाकडाउन ई-पास ऐप मोबाइल म डाउनलोड करे जा सकता हावय। ये मोबाइल ऐप- epass.cgcovid19.in  हावय। ये ऐप प्ले स्टोर के माध्यम ले एंड्रयड फोन के माध्यम ले करे जा सकता हावय। ए ऐप ले यात्री अपन रजिस्ट्रेशन करवा सकत हावय। ये जानबा होवय के जेन मनखे ट्रेन, प्लेन, बस ले यात्रा करे हावय उंकर टिकट ही ई-पास होही। जेन छात्र के परीक्षा होही, उंकर एडमिट कारड ही उंकर ई-पास होही।