आंगनबाड़ी कार्यकर्ता कोविड मोर्चा म संकल्प लेके लोगन तक पहुंचावत हाबे संदेश

अंजोर
0


अंजोर.दुर्ग। कोरोना फ्रंट म अग्रणी भूमिका म आंगनबाड़ी कार्यकर्ता कोरोना वारियर के रूप म निभात हावय। संकट के सामना करत भी, कभू-कभू लोगन ले सहयोग नइ मिले म भी वो अपन बुता म बखूबी लगे हावयं। नवा पीढ़ी के पोषण के जिम्मेदारी निभाइया आंगनबाड़ी कार्यकर्ता कोविड संक्रमण के रोके के दिशा म भी प्रभावी काम करके रइही हावयं। 

जिला कार्यक्रम अधिकारी विपिन जैन ह बताइन के कलेक्टर डॉ. भुरे के निर्देश म ये बुता होत हावय अउ आंगनबाड़ी कार्यकर्ता ए संबंध म प्रशंसनीय बुता करके रइही। चाहे कंटेंनमेंट जेन हो या हाटस्पाट, हर इलाके म ये कार्यकर्ता घूम घूम करके लोगन ल कोरोना संकट के प्रति जागरूक करत हावयं। उंकर हाथ म आक्सीमीटर हावयं। ये आक्सीमीटर के माध्यम ले आक्सीजन के स्थिति जाँच करत हावयं संग ही कोरोना के लक्षण के बारे म पूछताछ करत हावयं। यदि अइसन कुछ होथे तो तुरंत येकर रिपोर्ट देत हावय ताकि स्वास्थ्य विभाग के अमला ए संबंध म आगू कार्रवाई कर सके।

जिला म कोरोना संक्रमण के स्थिति ल देखत ये कार्यकर्ता अपन कर्तव्य ले पीछे नइ हटय। कई परिवार ह सर्वे कार्यक्रम म उंकर मदद करिन, कई ह जानकारी छिपाये के कोशिश भी करथे फेर इमन अपन आग्रह ले जानकारी जुटाईन जेन स्वास्थ्य विभाग के खातिर काफी उपयोगी रहीं। जिला म बड़ी संख्या म जेन सैंपलिंग हो सकीस, उंकर पीछू महिला मनके बड़ा योगदान हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !