मुख्यमंत्री सहायता कोष ले रायपुर, दुर्ग अउ बिलासपुर ल 4 करोड़ जारी, कलेक्टर मन ल कोरोना के सरलग समीक्षा के निर्देश

अंजोर.रायपुर। मुख्यमंत्री भूपेश बघेल के निर्देश म कोरोना संक्रमण के प्रभावी रोकथाम अउ उपचार के खातिर रायपुर, दुर्ग अउ बिलासपुर जिला ल मुख्यमंत्री सहायता कोष ले 4 करोड़ रूपिया के रकम आज आबंटित करे गिस। मुख्यमंत्री श्री बघेल ह सबो जिला के कलेक्टर मन ल निर्देश दिये हावयं के वो अपन जिला म कोरोना के स्थिति के लगातार समीक्षा करत रिहि। 

कोरोना प्रभावित जिला ले येकर रोकथाम, उपचार के जरूरत अउ जरूरतमंद के मदद के उद्देश्य ले तत्काल प्रस्ताव मुख्यमंत्री सचिवालय भिजवाये के निर्देश दे गे हावयं, ताकि जिला ल उंकर जरूरत के अनुरूप रकम उपलब्ध करा सके। ओमन किहिन के कोरोना महामारी के रोकथाम अउ उपचार के बेवस्थाह ल बढि़या बनाये के खातिर रकम के कमी नइ होन दे जाही। मुख्यमंत्री सचिवालय ले मिले जानकारी के मुताबिक कोरोना संक्रमण के रोकथाम प्रभावित मन के इलाज के बढि़या बेवस्थाि अउ जरूरतमंद के मदद के खातिर रायपुर जिला के 2 करोड़ रूपिया, दुर्ग अउ बिलासपुर जिला के एक-एक करोड़ रूपिया के रकम जारी करे गे हावय।