अंजोर.धमतरी, 29 अप्रैल 2021। शासन के मंशा के अनुरूप जिला प्रशासन कोविड के मरीज मन के उपचार के प्रति काफी गंभीरता ले डटे हावय। अस्पताल मन म भरती मरीज मन के बढि़या इलाज ल सुचारू बनाए रखे के खातिर ऑक्सीजन, वेंटीलेटर अऊ आन जरूरी बेवस्था के खातिर अथक प्रयास करे जात हावय। इही बीच खुशी के बात हावय के जिला ल आज 100 जंबो सिलेंडर मुंबई के एक उत्पादक संस्था ले मिले हावय।
सांसद, विधायक मन डहर ले जिला के कोरोना संक्रमित मरीज मन के उपचार के खातिर निधि उपलब्ध कराई गिस। ए निधि के रकम के उपयोग करत कलेक्टर जय प्रकाश मौर्य ह सीधा मुम्बई के कंपनी के ल 300 जंबो सिलेंडर खरीदे के मांग पाती पाछु दिन भेजे रिहिस। इही तारतम्य म फिलहाल 100 जंबो सिलेंडर जिला के मिले हावयं। असल म 150 जंबो सिलेंडर उत्पादक कंपनी ह जिला ल अलॉट करे रिहिस, मगर बेमेतरा जिला म जरूरत के देखत उहां 50 जंबो सिलेंडर भेजे गिस, बांचे इहां मिले हावय। उम्मीद हावय के बांचे जंबो सिलेंडर भी ये संस्था ले जल्दीव मिलही। कलेक्टर श्री मौर्य ह बताइन के इही रकम ले डीएमएफ ले जिला के मरीज मन के खातिर वेंटीलेटर खरीदे बर दिल्ली के उत्पादक संस्था के अप्रैल महीना म ही मांग चिट्ठी भेजा गे रिहिस। ये निजी संस्था ह बताइन हावय के ओमन आठ वेंटीलेटर जिला के खातिर डिस्पैच कर दे हावय अउ वो ह एक दो दिन के भीतर धमतरी जिला म आ जाही। उम्मीद हावय येकर ले कोविड के मरीज मन के उपचार म काफी सहूलियत होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।