जिला प्रशासन के सहयोग ले यूनिसेफ कोरोना रोकथाम खातिर चलाही रोको अउ टोको अभियान

अंजोर.दुर्ग। यूनिसेफ छत्तीसगढ़ अउ मीडिया कलेक्टिव फ़ॉर चाइल्ड राइट्स के संयुक्त तत्वावधान म दुर्ग जिला प्रशासन के सहयोग ले 1 मई ले 31 जुलाई तक तीन महीना के "रोको अउ टोको" अभियान शुरु करही। 3 महीना के लंबा अभियान म दुर्ग शहर के वार्ड म 600 ले जादा युवा स्वयंसेवक, वायरस के प्रसार के नियंत्रित करे के सरकार के प्रयास के समर्थन करही। वो शहर म झुग्गी, अपार्टमेंट, बाजार, होटल, बस स्टैंड, रेलवे स्टेशन अउ चौराह म जाके लोगन ल कोविड व्यवहार के बारे म शिक्षित करही। उंकर पालन करना सुनिश्चित करही। 

व्यवहार म मास्क पहनना, सामाजिक दूरी छह फीट रखना, साबुन ले हाथ धोना अउ भीड़-भाड़ वाला जगह ले बचना शामिल हावय। युवा स्वयंसेवक सबो लोगन ले कोरोना टीकाकरण करे के गेलौली करही। लक्षण या बीमारी जइसे कोरोना के मामला म चिकित्सक के मदद लेही। अइसन करत समय जिला प्रशासन डहर ले जारी लॉकडाउन अउ रोकथाम दिशा निर्देश के सख्ती ले पालन करही। स्वयं सेवक लॉकडाउन दिशा निर्देश के पालन करे के खातिर नागरिक ले भी अपील करही। ए संदर्भ म आज, दुर्ग कलेक्टर ले, यूनिसेफ के सैम बंडी, अउ मीडिया कलेक्टिव फ़ॉर चाइल्ड राइट्स ट्रस्ट के महासचिव डी. श्याम कुंमार ह भेंट करिन, अउ ए अभियान के बारे म विस्तृत चर्चा करिन।