अंजोर.गरियाबंद, 26 अप्रैल 2021। कोविड-19 जांच रिपोर्ट म देरी के दशा म लक्षणात्मक मनखे मनला बिना दवा पर्ची के मेडिकल स्टोर्स ले दवाई मिलही। कलेक्टर निलेशकुमार क्षीरसागर ह कोविड-19 के लक्षणात्मक मनखे मन के कोविड जांच रिपोर्ट म देरी ले मिले के दशा म जिला के सबो मेडिकल स्टोर्स संचालक ल राज्य स्तरीय ट्रीटमेंट समिति डहर ले प्रस्तावित दवाई ल बिना दवा पर्ची के जरूरतमंद लोगन ल उपलब्ध कराये बर निर्देशित करे हावय।
राज्य स्तरीय ट्रीटमेंट समिति डहर ले प्रस्तावित दवाई म-
• टेबलेट आइवरमेक्टिन 12 एमजी,• टैबलेट डॉक्सीसाइक्लिन 100 एमजी,• टेबलेट पेरासिटामोल 650 एमजी,• टैबलेट विटामिन सी 500 एमजी• टैबलेट जिंक 50 एमजी
संगे संग लक्षणात्मक मनखे मन रोज 3 ले 4 लीटर गुनगुना पानी पीही, दिन म तीन बार भाप लेही, आठ घंटा सोही अउ 45 मिनट व्यायाम या टहलही अउ ऑक्सीजन सैचुरेशन के नियमित निगरानी अउ 94 प्रतिशत ले कम होए या सांस ले म तकलीफ होए म तुरते संबंधित डॉक्टर या होम आइसोलेशन कन्ट्रोल रूम म जानकारी देही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।