गेलौली करे के बाद रेमडेसिविर म सीमा शुल्क ल अब घटाही केन्द्र सरकार

अंजोर.नई दिल्लीट। केन्द्रीय रसायन अउ उर्वरक मंत्री डी.वी. सदानंद गौड़ा ह एक ट्वीट के माध्यम ले जानकारी दे हावय के फार्मास्यूटिकल्स विभाग के सिफारिश म तत्काल जरूरत ल देखत राजस्व विभाग ह रेमडेसिविर अउ ओकर एपीआई / केएसएम म सीमा शुल्क घटा दे हावय। ओमन आगू किहिन के ये कदम ले रेमडेसिवीर इंजेक्शन के घरेलू उपलब्धता ल अऊ जादा बढाये जा सकही।

कतकोन अइसे फइसला के देखे लोगन मन म सरकार के प्रति नाराजगी देखे जाथे जेन जरूरी हावय तेकरो बर ओमन गेलौली के अगोरो म रिथे। रेमडेसिविर के बारे म आये दिन आन तान कीमत म बेचे के आरो मिलते रिथे तभो ले न तो प्रदेश सरकार अउ न केन्द्र सरकार के कोनो लगाम हावय। रेमडेसिविर खोजे खातिर मरीज के परिजन मन एति ओति भटकत हावय। अउ सरकार कलेचूप बइठे हावय। चारो मुड़ा हाव-हाव होए के बाद अब जाके रेमडेसिविर के सीमा शुल्क ल खटाये के आरो मिले हावय, येकर ले कीमत म थोरिक राहत मिलही।