अंजोर.जांजगीर-चांपा 21अप्रेल 2021। आम लोगन ल कोरोना वायरस ले लड़े अउ ओमा आत्मविश्वास बढ़ाके जंग ले जीते म मदद करे बर अब जन प्रतिनिधि अउ सेवाभावी संस्था मन तको आगू आत हावय। जिला के सक्ती अनुविभागीय अधिकारी (राजस्व) बीएस मरकाम ह बताइन के उंकर अनुभाग म कोरोना मरीज मन के खातिर ऑक्सीजन के कमी होत रिहिस येकर खातिर उंकर डहर ले नगर के गणमान्य नागरिक अउ नगर पालिका अध्यक्ष ले चर्चा करे गिस। त्रिलोक चंद जायसवाल के डहर ले वंदना इंडस्ट्रीज के संचालक नगर पालिका अध्यक्ष श्रीमती सुषमा जायसवाल के डहर ले आज 60 नग जंबो सिलेंडर अउ पाँच नग छोटे सिलेंडर अनुविभागीय अधिकारी बीएस मरकाम अउ बीएमओ डॉक्टर अनिल चौधरी ल सौंपे गे। अइसने कोविड केयर सेंटर धौराभाठा के खातिर आज 08 नग ऑक्सीजन कंसंट्रेटर मशीन चंद्रहासिनी मंदिर ट्रस्ट कोति ले सहयोग के रूप मिले हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।