बीजापुर म पैरामेडिकल स्टाफ के संविदा भरती बर 24 अप्रैल तक ऑनलाइन आवेदन

अंजोर.बीजापुर 21 अप्रैल 2021। स्वास्थ्य विभाग डहर ले वैश्विक कोविड महामारी रोकथाम अउ उपचार के मद्देनजर राज्य आपदा मोचन निधि अउ कोविड बुता के खातिर मिले मद के ले आने-आने पैरामेडिकल स्टाफ के संविदा भरती बर इच्छुक पात्र अभ्यर्थी मनले 24 अप्रैल 2021 तक ऑनलाइन आवेदन आमंत्रित करे गे हावय। जेकर तहत लैब टेक्नीशियन के 10 पद, फार्मासिस्ट के 5 पद, स्टॉफ नर्स के 30 पद, डाटा एंट्री ऑपरेटर के 5 पद, वार्ड बॉय के 20 पद, वार्ड आया के 10 पद, वाहन चालक के 5 पद अउ एएनएम के 17 पद म अवइया 3 महीना के खातिर संविदा नियुक्ति बर कार्यालयीन ई-मेल आईडी sdrfcmhobijapur@gmail.com म ऑनलाइन आवेदन पत्र आमन्त्रित करे गे हावय। आवेदक के बीजापुर जिला के मूल निवासी होना अनिवार्य हावय। 

भरती बर जारी परिपत्र म दर्शित 16500 रुपये या ओकर ले कम मानदेय वाले पद के खातिर बीजापुर जिला के मूल निवासी अभ्यर्थी ल प्राथमिकता दे जाही अउ जिला के मूल निवासी अभ्यर्थी उपलब्ध नइ होए के स्थिति म आन जिला के अभ्यर्थी ल मउका प्रदान करे जाही। भर्ती सम्बन्धी म सबो आखरी फइसला ले के सर्वाधिकार जिला स्वास्थ्य चयन समिति के होही जेन आवेदक ल मान्य होही। चयनित अभ्यर्थी ल एकमुश्त संविदा मानदेय प्रदान करे जाही। संविदा भरती सम्बन्धी नियम, योग्यता आदि के विस्तृत जानकारी अउ आवेदन पत्र के प्रारूप बीजापुर जिला के वेबसाइट डब्ल्यू डब्ल्यू डब्ल्यू डॉट बीजापुर डॉट जीओव्ही डॉट म लॉगिन करके देखे जा सकत हावय।