स्वास्थ्य मंत्री सिंहदेव लिखिस केंद्रीय मंत्री ल, पत्रकार मनला तको कोरोना टीकाकरण म शामिल करव

अंजोर.रायपुर। स्वास्थ्य मंत्री श्री सिंहदेव ह पत्रकार मन ला भी कोरोना टीकाकरण म शामिल करे खातिर केंद्रीय स्वास्थ्य मंत्री डॉ. हर्ष वर्धन के पाती लिखे हावय। ओमन प्रिंट, इलेक्ट्रॉनिक अउ वेब मीडिया के पत्रकार मनके फ्रंटलाइन कोरोना वारियर्स के रूप म प्राथमिकता ले टीकाकरण करे के आग्रह करे हावय। श्री सिंहदेव ह केन्द्रीय स्वास्थ्य मंत्री के आज लिखे पाती म किहिन हावय के अभी देश म कोविड-19 के दूसइया लहर ले बड़ संख्या म लोगन संक्रमित होत हावय। पत्रकार कोरोना के रोकथाम अउ बचाव, टीकाकरण उक ले जुड़े पल-पल के जानकारी प्रचारित-प्रसारित करके जनता अउ सरकार के बीच कड़ी के काम करत हावय। अइसन परिस्थिति म पत्रकार अउ उंकर परिवार के सुरक्षा के दायित्व बढ़ जात हावय।

स्वास्थ्य मंत्री श्री सिंहदेव ह पत्रकार मनल फ्रंटलाइन कोरोना वारियर्स के श्रेणी म रखत उंकर प्राथमिकता ले टीकाकरण कराये के अनुरोध केंद्रीय स्वास्थ्य मंत्री ले करे  हावय। कोरोना ले बचाव के टीका लग जाये ले मैदानी स्तर म जोखिम उठाके काम कर के पत्रकार के हौसला बढ़ही अउ हम सब मिलकर कोविड-19 ले ए जंग म निश्चित ही सफल होबो।