अंजोर.रायपुर। राजधानी म शराब के कोनो दुकाल नइये तभो ले गली-मोहल्ला म अवैध रूप ले शराब के मिलना प्रशासन के चूक ल बतावथाबे। सरकारी ठेका के बावजूद कहां ले पाथे ओमन आतेक दारू यहू बड़का सवाल हाबे। पुलिस कोति ले मिले आरो के मुताबिक थाना तेलीबांधा पुलिस डहर ले मुखबीर के सूचना म अवैध रूप ले अपन एक्टिवा म शराब के परिवहन करत आरोपी विशाल नायक उर्फ ठाडो पिता मंगल नायक निवासी वृद्धा आश्रम के पास सुभाष नगर तेलीबांधा रायपुर ले 90 पौवा अंग्रेजी शराब एक काला रंग के ट्राली बैग ले बरामद करे हावय। बताये जाथे के सरकारी ठेका दुकान खुले अउ बंद होए के करार के बेरा के बाद ये मन शराब ल बेचे बर रखे रिथे। आरोपी के विरुद्ध थाना तेलीबांधा म अपराध क्रमांक 137/2021 धारा 34 (2) आबकारी एक्ट के तहत कार्यवाही करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।