अंजोर.बिलासपुर 20 अप्रैल 2021। कलेक्टर डॉ. सारांश मित्तर डहर ले जारी आदेश के मुताबिक लॉकडाउन के बखत जिला म निर्धारित बखत तक बैंक मन के संचालन बर अनुमति प्रदान करे गे हावय। बैंक मनला को-मार्बिड, गर्भवती, अधिकारी मन, कर्मचारी मन के एक्टिव ड्यूटी ले छूट देत बैंक ल हब-बैंकिंग सिद्धांत के मुताबिक न्यूनतम स्टाफ के संग बुता करे के अनुमति प्रदान करे गे हावय, फेर सबो बैंक अउ शाखा बिहनिया 10 बजे ले दोपहर 1 बजे तक ही संचालित हो सकही।
ये बखत केवल एटीएम कैश रि-फिलिंग, मेडिकल इक्विपमेंट, मेडिसिन, पेट्रोल-डीजल पंप, पी.डी.एस, केरोसीन वितरक, शासकीय उचित मूल्य दुकानदार मन ले संबंधित लेन-देन, उद्योग के व्यापारिक लेन-देन, श्रमिक मनके भुगतान, मेडिकल ऑक्सीजन आपूर्ति, लिक्विड आक्सीजन उत्पादक, शासकीय लेन-देन, निविदा, अस्पताल अउ मेडिकल प्रयोजन ल छोड़के आमजनता बर कोनो रकम के सामान्य लेन-देन के अनुमति नइ होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।