लॉकडाउन लगाये के अधिकार जिला कलेक्टर मनला : मुख्यमंत्री भूपेश बघेल

अंजोर.रायपुर। प्रदेश के मुखिया दाऊ भूपेश बघेल ह कोरोना संक्रमण के रोकथाम के खातिर स्थानीय परिस्थिती के अनुसार लॉक डाउन के संबंध म फइसला ले खातिर कलेक्टर मनला मुख्य सचिव के माध्यम ले निर्देशित करे हावय। ओमन ये निर्देश स्वास्थ्य मंत्री टी.एस. सिंहदेव के सलाह म दे हावय। स्वास्थ मंत्री ह मुख्यमंत्री ले दूरभाष म लॉक डाउन करे के अनुरोध करे रिहिस, ए म मुख्यमंत्री ह मुख्य सचिव ल स्थानीय परिस्थिति के अनुसार कलेक्टर के फइसला ले बर अधिकृत करे के निर्देश दीस अउ मुख्य सचिव ह कलेक्टर वीसी म निर्देश दीस।

मुख्य सचिव अमिताभ जैन ह आज कोरोना संक्रमण के रोकथाम अउ टीकाकरण के संबंध म ले गे वीडियो कांफ्रेंसिंग के बखत सबो जिला कलेक्टर मनला मुख्यमंत्री के निर्देश ले अवगत कराइन। ओमन किहिन के स्थानीय परिस्थिती के अनुसार जिला कलेक्टर सबो व्यवस्था सुनिश्चित करत जरूरी फइसला लीस। ओमन किहिन के प्रदेश के सबो जिला म कोरोना संक्रमण के प्रसार के रोकथाम के खातिर सबो उपाय करे के संग-संग टीकाकरण ल एक जनांदोलन के रूप दे जाए जेकर ले जादा ले जादा लोगन टीकाकरण के खातिर प्रेरित होवे। ओमन किहिन के येकर खातिर आने-आने सामाजिक अउ धार्मिक संस्था अउ प्रतिष्ठित मनखे मन के भी सहयोग ले जाए।