पटवारी ले परेशान किसान करिस आत्महत्या, तखतपुर के गांव राजाकापा के घटना

अंजोर.बिलासपुर। जिला के तखतपुर विकासखंड के गांव राजाकापा के किसान छोटू कैवर्त के आत्महत्या के मामला म कलेक्टर डॉ. सारांश मित्तर के निर्देश म सख्त कार्रवाई करे गे हावय। तखतपुर के अनुविभागीय अधिकारी राजस्व डहर ले हल्का नंबर 10, निगारबंद के पटवारी उत्तम प्रधान ल तत्काल प्रभाव ले निलम्बित कर दे गे हावय। निलम्बन आदेश के अनुसार हल्का क्षेत्र म आने वाला गांव म किसान मनके बुता नइ करे अनुशासन हीनता अउ सिविल सेवा आचरण अधिनियम 1965 के प्रावधान के उल्लंघन हावय।

निलम्बन अवधि म पटवारी के मुख्यालय सकरी होही। निगारबंद पटवारी हल्का के प्रभार श्रीमती लक्ष्मी नायडू, पटवारी हल्का नंबर 11 के सौंपा गे हावय। मृतक किसान छोटे कैवर्त, उमर 58 साल के नाम म 0.70 एकड़ भूमि हावय अउ उन म कोनो बैंक करजा नइ रिहिस। उंकर एक बेटा के विवाह हो चुके हावय। दू बेटा म ड्राइवर अउ दूसरा किसान हावय।  किसान डहर ले करे गे आत्महत्या के सम्बन्ध म तखतपुर पुलिस डहर ले पटवारी उत्तम प्रधान के खिलाफ धारा 306 आईपीसी तहत अपराध दर्ज करके अउ हिरासत म लेके वैधानिक कार्रवाई करे जात हावय।

अमर अग्रवाल - अत्यंत दुर्भाग्यपूर्ण घटनाक्रम म आज बिहनिया तखतपुर के गांव राजाकापा म 5 हजार के रिश्वत दे के बाद भी जमीन के रजिस्ट्री के खातिर पटवारी के प्रताड़ना ले तंग आके किसान भाई छोटू राम कैवर्त ह अपने बाड़ी म बेटा ल, अपन बहन अउ माँ के ख्याल रखे के लिखके भ्रष्टाचार के सूली म खुद के बलिदान कर दी।