अंजोर.रायपुर। कोरोना वायरस के बढ़त संक्रमण के सेती कर्मचारी मनके सुरक्षा ल ध्यान म रखत राज्य शासन डहर ले मंत्रालय अउ सबो विभागाध्यक्ष कार्यालय म 50 प्रतिशत कर्मचारी मनके उपस्थित के संग कामकाज करे के निर्देश दे गे हावय। ए संबंध म कर्मचारी मन खातिर साप्ताहिक रोस्टर प्रणाली तय करके दे गे हावय। राज्य शासन डहर ले उमर 45 साल ले जादा उमर के अधिकारी अउ कर्मचारी के खातिर कोविड-19 टीकाकरण अनिवार्य करके दे गे हावय। टीकाकरण के खातिर मंत्रालय अउ इंद्रावती भवन म विशेष व्यवस्था करे गे हावय। सामान्य प्रशासन विभाग डहर ले जारी आदेश के अनुसार मंत्रालय अउ विभागाध्यक्ष कार्यालय म 50 प्रतिशत कर्मचारी मनके उपस्थिति के संबंध म रोस्टर तइयार करे बरे केहे गे हावय। शेष 50 प्रतिशत कर्मचारी वर्क फाम होम म बुता करही अउ 50 प्रतिशत कार्यालय आएंगे। प्रतिशत के विभाजन अइसन हो के शासकीय बुता प्रभावित न हो, कोनो शाखा के कर्मचारी के पूर्ण रूप ले अवकाश न दे जाये बल्कि सप्ताहिक रोस्टर प्रणाली ले बुता संपादित कराये जाए। अनुभाग अधिकारी अउ उंकर नीचे अधीनस्थ कर्मचारी के उपस्थिति 50 प्रतिशत अनिवार्य रूप ले रखे जाए।
इही रकम ले सबो विभागाध्यक्ष कार्यालय म अधीक्षक स्तर के अधिकारी सप्ताहिक रोस्टर प्रणाली ले बुता संपादित करही अउ शेष अधिकारी नियमित रूप ले कार्यालय म उपस्थित होही। जो कर्मचारी कार्यालय आही वो यथासंभव अपन स्वयं के वाहन ले आही, जेकर ले सोशल डिस्टेंसिंग के पालन हो सके अउ कोविड-19 के संकमण के रिस्क कम हो सके। बस म निर्धारित क्षमता ले आधा कर्मचारी बइठाये जाही। जरूरी होए म दोबारा उही रूट म फेर बस के संचालन करे जाही। सबो अधिकारी-कर्मचारी अपन परिजन, परिचित अउ पड़ोसी के जिनकी उमर 45 साल पूर्ण हो चुके हावय, ओमन ल टीकाकरण बर प्रोत्साहित करही। सबो अधिकारी-कर्मचारी ले ये भी अपेक्षा करे गे हावय के कोविड-19 के रोकथाम के खातिर जारी करे गे दिशा-निर्देश के अक्षरशः पालन करही, ताकि समाज म एक आदर्श पेश हो सके, जेकर सकारात्मक संदेश जाए। भीड़ वाले स्थान ले पूरा परहेज करे जाए। सबो कर्मचारी कार्यालय म अनिवार्य मास्क लगाही अउ सैनेटाईजर के उपयोग नियमित रूप ले करही। यथा संभव सबो बइठक वीडियो कांफ्रेंसिंग के माध्यम ले वर्चुअल आयोजित करे जाना सुनिश्चित करें। ए संबंध म भारसाधक सचिव अपन विभाग म अधीनस्थ निगम मंडल, आयोग, बोर्ड, सहकारी संस्था ल अवगत कराही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।