अंजोर.गरियाबंद। पुलिसिंग म बीट सिस्टम ल मजबूत करे के खातिर पुलिस महानिदेशक डी.एम. अवस्थी के दिशा-निर्देश अउ पुलिस महानिरीक्षक रायपुर रेंज रायपुर डॉ. आनंद छाबड़ा के मार्गदर्शन म गरियाबंद पुलिस कप्तान भोजराम पटेल के डहर ले कोविड-19 के दिशा-निर्देश के पालन करत सबोच थाना के बीट प्रभारी मन के लिस मीटिंग। मीटिंग के बखत पुलिस कप्तान डहर ले बीट प्रभारी ल अपन बीट क्षेत्र के समस्त ग्राम म भ्रमण करे के दे निर्देश संग ही संग भ्रमण के बखत गांव के समस्य ल सुनके, थाना म थाना प्रभारी ल अवगत करत त्वरित समाधान करे के कड़ा निर्देश। ग्राम भ्रमण के बखत अउ थाना म अवइया फरियादी ले मित्रापूर्ण व्यवहार करे। अपन बीट क्षेत्र म बवइया गांव के बच्चा अउ युवा मनले मिल करके उनला जुआ, शराब अउ आन बुर लत ले दूर रह करके पढाई के क्षेत्र म आगू आए के खातिर जागरूक करें।
बीट आरक्षक ल यहू जिम्मेदारी दे गीस के वो अपन बीट क्षेत्र के सम्पूर्ण जानकारी जइसे जनपद सदस्य, सरपंच, सचिव, पंच, कोटवार, पटेल अउ ग्राम मुखिया के सूची बनाके एक डायरी म रखे अउ बीट क्षेत्र के निगरानी, गुण्डा बदमाश, हिस्ट्रीशीट, शस्त्र लायसेंस, गंभीर अपराधिक रिकार्ड के जानकारी होना चाही। पुलिस कप्तान डहर ले विशेष करके महिला संबंधी अपराध म लघियात कार्यवाही करे के निर्देश दे गिस। पुलिस कप्तान भोजराम पटेल ह अपन उद्बोधन म किहिन के पुलिसिंग ल अउ बेहतर करे के खातिर बीट सिस्टम ल मजबूत करे के जरूरत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।